Tung lâp kong pơlê nôkố ai 424 plong tuk tơnăng ká ối tung tơdroăng ki ôh tá ai tŭm tơdroăng vâ tơnăng xua plong tuk ôh tá pêi châ tơdroăng púi vâ chêh inâi, séa ngăn, hbru ăm mơ-éa phêp tơnăng ká lơ tơnăng ôh tá tro cheăng. Ing mê, lối 2.100 ngế cho ngế ki pơkuâ ngăn plong tuk ƀă ngế cheăng tung plong tuk, tro tơdjâk.

Tiô Pơkâ dêi Hô̆i đong hnê ngăn kong pơlê Gia Lai, rêm ngế ki pơkuâ plong tuk châ gum 3 rơtuh tung môi khế ƀă 30 kg phái môi ngế tung môi khế ăm mâu ngế ki pêi cheăng tro tơdjâk, tung pơla 4 khế. Tâi tâng kơxô̆ liăn ‘no hrê tiô tối hdrối cho lối 8,84 rơtal sap ing kơxô̆ liăn kong pơlê. Troăng hơlâ tŏng gum kố cho vâ gum kuăn pơlê tơnăng ká ai tơ’nôm liăn ngân tơniăn tung rêh kâ ối, pơhlêh cheăng ăm tơtro, tơdrêng amê hlối tŏng gum tơbleăng tối theh trĭng dêi Vi ƀan Châu Âu (EC) ‘na tơnăng ká xi xŏng ôh tá tro luẩ IUU, tơmiât troh mơnhông cheăng tơnăng ká krá ton ƀă pêi pro tiô pơkâ lâp plâi tơnêi.