Pôa Nguyễn Hòa Bình, Phŏ Ngế pro xiâm hnê ngăn Chin phuh,  Kăn hnê ngăn Hô̆i đong tiâ mơnhên kơ’nê mâu ngế kroăng phâk hdrối hâi pơkâ hơnăm 2025 nếo pơkuâ po rôh hôp séa ngăn pơkâ hồ sơ, inâi mâu ngế ki kroăng phâk ai tŭm tơdroăng pâ thế kơ’nê ăm lo hdrối hâi pơkâ rôh má 2, drêng tơbâ 80 hơnăm hâi Mơjiâng tơnêi têa lơ 2/9.

Pêi pro Pơkâ dêi Kăn xiâm hnê ngăn tơnêi têa, tung pơla hdrối nah, mâu tôh séa ngăn pơkâ ki ai tơdjâk hiăng lăm ngăn, séa ngăn lối 10 rơpâu hồ sơ mâu ngế ki xôi sap ing mâu tíu kroăng phâk tung lâp tơnêi têa. Tơdroăng séa ngăn kĭ pơkâ kơtăng, tơdrăng, tro luât, ai tơdroăng séa ngăn dêi mâu khu tơrŭm pơlê pơla ƀă kuăn pơlê.

Phŏ Ngế pro xiâm hnê ngăn tơnêi têa tối nhên kơ’nê ăm lo hdrối hâi pơkâ cho troăng hơlâ pêi pro ki kân, mơhno troăng hơlâ hơ-ui rơkê, rơkê plĕng dêi Đảng ƀă Tơnêi têa, vâ mơhnhôk mâu ngế ki xôi kơhnâ ‘mêng rơnêu hiâm mơno, rĕng vêh tơrŭm ƀă pơlê pơla. Klêi kơ’nâi pêi pro klêi tơdroăng kĭ pơkâ, Hô̆i đong kô pơtroh ăm Kăn xiâm hnê ngăn tơnêi têa pơkâ; tiô pơkâ, hâi lơ 29/8 tơbleăng pơkâ ƀă lơ 1/9 kô tơkŭm kơ’nê ngế ki châ ăm lo hdrối hâi pơkâ a mâu tíu kroăng phâk.