Pro hngêi ‘Tơrŭm” ăm kuăn pơlê hdroâng kuăn ngo a Lâm Đồng
Thứ năm, 05:00, 27/11/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Vi ƀan hnê ngăn cheăm Phan Sơn, Lâm Đồng (ối tung tơring Bắc Bình, Bình Thuận hdrối nah) tơkŭm po pơxiâm pro 4 toăng hngêi ăm kuăn pơlê hdroâng kuăn ngo ki xơpá.
Ki nhên, tung rôh kố, cheăm Phan Sơn pro 3 toăng hngêi ‘Tơrŭm kân” ƀă 1 toăng hngêi ối tung Tơdroăng pơkâ tơnêi têa ăm kơpong kuăn pơlê hdroâng kuăn ngo. Kơxô̆ liăn pro kơnâ 220 rơtuh châ mơhnhôk tơlo sap ing tơdroăng veăng gum dêi mâu khu mơdró kâ ƀă kơxô̆ liăn Tơnêi têa xoăng ing tơdroăng pơkâ tơnêi têa mơnhông cheăng kâ rêh ối pơlê pơla kơpong kuăn pơlê hdroâng kuăn ngo hơnăm 2025.
A leh pơxiâm pro hâi lơ 26/11, ngế ki xo pro hiăng tơhrâ mơdêk rĕng tơdroăng ki pro, mơ-eăm pro klêi ƀă pơcháu hngêi tro pơkâ vâ kuăn pơlê rĕng ai hngêi ối tơniăn.
Viết bình luận