VOV4.Xơ Đăng -  Rêm ngế droh rơtăm cho môi “ngế teăng mâ’’ ki tơbleăng mâu tơdroăng kơnía túa lĕm tro ton nah dêi hdroâng kuăn ngo ƀă pú hmâ tung tơnêi têa ƀă kong têa ê ‘nâi.

VOV4.Xơ Đăng - Pơla hdrối kô nah, Kăn xiâm hnê ngăn Kuô̆k hô̆i Vương Đình Huệ, rơkâu Têt mâu rơpŏng kuăn pơlê ki kơtiê xơpá, mâu ngế ai hnoăng tơnêi têa, mâu kăn ƀô̆, mâu lêng tơplâ, mâu rơpŏng kơtiê, mâu ngế tro trếo ‘mêi a rơxông tơplâ nah, kŏng nhân, mơngế ki pêi cheăng ai tơdroăng rêh ối xơpá a kong pơlê Gia Lai ƀă pơtroh ăm 300 kơxu tơmeăm Têt ăm kong pơlê Dak Lak.

VOV4.Xơ Đăng - Kŏng ti xiâm on tơhrik peăng tơdế tơnêi têa EVNCPC nếo mơ’no 4,2 rơtal liăn ing Kơxô̆ liăn kơdĭng vâ kum pơlê pơla vâ mơjiâng 70 toăng hngêi tuăn pâ a 13 kong pơlê, pơlê kong kơdrâm kơpong peăng Tơdế tơnêi têa – Tây Nguyên tung hơnăm 2024.

VOV4.Xơ Đăng - Hbrâ rơnáu vâ koh tơdah Têt Lo Hơnăm nếo Giáp Thìn, măng tĭng hdrối, khu kăn pơkuâ ngăn Kuô̆k hô̆i hiăng lăm pôu, hbru tơmeăm Têt ăm mâu rơpŏng ki ai hnoăng tơnêi têa, mơngế ki ai hnoăng kăch măng, rơpŏng kơtiê, mơngế pêi cheăng a mâu kong pơlê, pơlê kong kân tung lâp tơnêi têa, Khu chêh hlá tơbeăng dêi Rơ’jíu Việt Nam ai chêh tối ‘na tơdroăng mê.

VOV4.Xơ Đăng - Kơxo lơ 26/1, a Hneăng hôp mơgêi tơdroăng pêi cheăng hơnăm 2023, pêi pro hnoăng cheăng xiâm hơnăm 2024 dêi Vi ƀan Tơnêi têa hbrâ, mơdât AIDS, ma tŭi, pro pơlăm pơlối, Ngế pro xiâm phŏ hnê ngăn Chin phuh Trần Lưu Quang, Kăn xiâm hnê ngăn Vi ƀan hiăng pơcháu pái khu xiâm tơrŭm mơjiâng Tơdroăng pơkâ xiâm tơnêi têa ‘na hbrâ, mơdât ƀă mơdêk châ tơƀrê pơtê pâk chik ma tŭi.

VOV4.Xơ Đăng - Tung tơdroăng pêi ‘’Têt tuăn pâ’’ hơnăm 2024, kơxê lơ 26/1, Khu lo tŏng veăng kong pơlê Dak Lak hiăng tơrŭm ƀă mâu khu tŏng kum diâp kơxuô tơmeăm Têt ăm mâu rơpŏng ai tơdroăng rêh ối pá puât a cheăm Čuôr Đăng, tơring Čư Mgar.

VOV4.Xơ Đăng - Kơxo hâi lơ 26/1, Kăn xiâm phŏ hnê ngăn Kuô̆k hô̆i Nguyễn Đức Hải hiăng troh veăng pêi Tơdroăng “Têt hơ-ui kum” - Rơnó Hơngui Giáp Thìn 2024 a pơlê kân Văn Quan, tơring Văn Quan, kong pơlê Lạng Sơn.

VOV4.Xơ Đăng - Kơxo lơ 25/1, a Tíu xối tơbâ tơnêi têa Hngêi phâk Ƀuôn Ma Thuột, Khu ngăn túa lĕm tro – Tơ’noăng ivá ƀă Ôm hyô kong pơlê Dak Lak po Leh mơnê mâu lêng kăch măng hiăng hlâ akố.

VOV4.Xơ Đăng - Tiô Pơkâ kơxô̆ 22/2023/QĐ-TTg hâi lơ 17/8/2023 dêi Ngế pro xiâm hnê ngăn Chin phuh ‘na ăm mung liăn ƀă mơngế ki nếo lo ing kroăng phâk, hơnăm 2023, a kong pơlê Gia Lai ai lối hrĭng ngế hiăng châ kum mung liăn vâ vâi vêh rêh ối, tơrŭm cheăng ƀă pơlê pơla, khên ‘no liăn pêi cheăng kâ, mơ-eăm mơhriâm cheăng pêi, vâ mơnhông tung tơdroăng rêh ối.  Nguyễn Thảo – Ngế chêh hlá tơbeăng cheăng tung Rơ’jíu Việt Nam a Tây Nguyên ai chêh tối ‘na tơdroăng mê.

VOV4.Xơ Đăng - A kong pơlê Kon Tum tơdroăng tŏng kum Têt dế pêi pro troh kơpong hơngế hơngo tơkăng kong ƀă mâu kuăn pơlê ai tơdroăng rêh ối pá puât.