Peăng kơxo, Kuô̆k hô̆i tơpui tơno ‘na mơ-éa chêh hdrối Tơdroăng pơkâ dêi Kuô̆k hô̆i ‘na mâu troăng pơkâ pêi, troăng hơlâ mơnhông mơdêk khôi túa lĕm tro Việt Nam. Kố cho troăng ki kêi đeăng mâu tơdroăng pơkâ troăng hơlâ, pêi pro nhên troăng hơlâ dêi Đảng ‘na mơnhông khôi túa lĕm tro tiô Tơdroăng pơkâ kơxô̆ 80 dêi Khu xiâm kal kí.

Xuân tung hâi kố, Kuô̆k hô̆i kô tơpui tơno a hngêi hôp kân ‘na mâu mơ-éa chêh hdrối Tơdroăng pơkâ dêi Kuô̆k hô̆i: ‘na tơdroăng mơjiâng pơlê kong kân Đồng Nai ối tung Khu xiâm tơnêi têa; ‘na pêi pro mơnúa tơdroăng pơkâ luât sư tơnêi têa; ‘na troăng pơkâ pêi, troăng hơlâ ki phá tơ-ê vâ tơpui pêi pro tơdroăng pro xôi luât ‘na tơnêi tơníu dêi khu tơrŭm cheăng, ngế krê ai hdrối Luât tơnêi tơníu hơnăm 2024 ai xêt khât ƀă troăng pêi pơtối tah lôi pá puât, tơvâ tơvân ăm mâu tơdroăng tơkêa bro ki u ối tá hâi tơleăng, pro mơdon.