Rôh lăm pơtrui “500 hâi măng mơdêk tăng, chiâ xo tơkŭm  mơnhên inâi kơxêng kiâ mâu ngế hlâ ai hnoăng” châ mâu lêng Kuân đoân 34 tối cho hnoăng cheăng ki kal. Tơrêm tơdroăng pơkâ, tơdroăng cheăng pêi hiăng châ pơcháu ăm tơrêm kơ koan, đông lêng. Mê cho: tung hơnăm kố tơkŭm 60 kơxêng kiâ mâu ki hlâ ƀă troh khế 7/2027, mơ-eăm tăng chiâ tơkŭm châ 100 kơxêng kiâ mâu ki hlâ ai hnoăng.

Vâ pê klêi tiô tơdroăng pơkâ, kăn hnê ngăn lêng pơkâ mâu kơ koan, đông lêng hnê pêi kơtăng tro tiô pơkâ “6 nhên’’ nhên mơngế, nhên tơdroăng cheăng, nhên hâi khế, nhên hnoăng pêi pro, nhên tơmeăm ƀă nhên hnoăng pơkuâ ngăn pêi pro. Ki xiâm cho hbrâ tơrŭm nhên ƀă mâu kong pơlê, pơlê kong kân, khu lêng hneăng hdrối ƀă kuăn pơlê vâ tăng ‘nâi mâu tơdroăng, tơkŭm tăng ngăn, mơjiâng pơkâ tí tăng tơkŭm mâu kơ xêng kiâ tung kong pơlê.