Kố cho tơdroăng châ tơbleăng rĕng tâ, hlối cho tíu ki tơ’mot hên ngế vâ ‘nâi ing mâu ngế chêh hlá tơbeăng cheăng tơpui tung rơ’jíu. Hơnăm kố, tơdroăng mê tơkŭm 26 khu tơ’noăng ƀă hên êkip ki hiăng rơkê hmâ pêi cheăng, hiăng hmâ châ kâ pri ai hên hnoăng tung mâu rôh tơ’noăng. Chôu tơ’noăng sap 30 troh 45 phut pro hlâu vâ mâu tíu pêi cheăng mơhno hên trâu tơdroăng kal, ki rơkê ƀeăn tung pêi pro ƀă khên djâ pêi tơdrêng.

Tiô tối dêi Tiểu ban Giám khảo, mâu Khu tơ’noăng hiăng hbrâ tơvât ƀă mâu tơdroăng ‘na troăng hơlâ, luât pơkâ dêi Đảng ƀă tơnêi têa, malối cho tơdroăng pêi tro tiô Pơkâ hneăng hôp Đảng rôh má 14 xúa tung rêh ối. Hên tơdroăng ăm hlo môi tiah “tíu tơvâ’’ pơkuâ  cheăng dêi mâu kăn kong pơlê 2 râ ƀă troăng hơlâ tah ki pá mê xuân châ tối tơdrăng khât dêi tơdroăng nếo ai mơ’no tung rơ’jíu tiô chal nếo nôkố.