Tung khế 3/2026, yă dêi hên túa tơmeăm vâ pro hngêi to kơnâ môi tiah meăm thep tâk 11 – 14%, xơmong vâ chê 14%, chhá lối 30%, kơxái cáp điê̆n tâk 30 – 40%, pro hên khu ki xo pro tơmeăm khoăng chiâng pá. Pakĭng mê, kơxô̆ tơmeăm tê ki tro luât, malối cho prêi vâ pro tơmeăm ối iâ. Hlo tơdroăng kố, kong pơlê pơkâ thế mâu tíu pêi cheăng tăng ‘nâi, tơbleăng yă tê tơmeăm tro ƀă tơdroăng ki ai khât; séa ngăn, ‘mâi rơnêu tơkêa yă tê tơniăn; hlối mơdêk tơdroăng ki tăng roê, mơdêk mơjiâng pro prêi kuăn mơngế pro ƀă tŏng gum pêi pro kơtăng mâu tíu ki hrá tơbleăng pêi.

Gia Lai kô mơjiâng pro tíu ki tối tơbleăng rĕng vâ hbrâ mơdât tơdroăng ki tê mơdró ôh tá tro, lu lêa tung chêh đơn tê tơmeăm, vâ ai tơmeăm tê ƀă tơdroăng pro mâu tơmeăm ki kal.