Rôh hôp tơkŭm séa ngăn tơdroăng pêi pro tơbleăng tối Mơgêi  kơxô̆ 18-KL/TW ‘na mơnhông cheăng kâ - pơlê pơla, liăn ngân tơnêi têa, rơtế pêi pro tah xơpá tơvâ tơvân a mâu tơdroăng tơkêa bro ki u ối. Tối nhên kô cho rôh hôp ki apoăng klêi ‘mâi hơ’lêh tâi tâng mâu kăn cheăng tung Chin phuh hneăng 2026–2031, pôa Lê Minh Hưng Ngế pro xiâm hnê ngăn tơnêi têa pơkâ thế mâu ngế thâ tơrŭm kŏng ƀă dêi rơpó pêi cheăng hlối tung pơla ai hên tơdroăng cheăng hlối kal rĕng pêi tơdrêng, hlối ton hơnăm.

Klêi séa ngăn, nôkố lâp tơnêi têa ối ai dâng 1.500 tơdroăng tơkêa bro trâm pá, tơvâ tơvân. Ngế pro xiâm hnê ngăn tơnêi têa pơcháu ăm Ƀơrô Chin phuh ƀă Khu xiâm ngăn liăn ngân pơkuâ, tơrŭm ƀă mâu khu xiâm, kơvâ cheăng, kong pơlê, ing tơdroăng hnê mơhnpo dêi pôa Nguyễn Văn Thắng, Phŏ ngế pro xiâm hnê ngăn tơnêi têa, pê klêi hlá mơ-éa chêh tơbleăng pơtroh ăm râ kơpêng, hlối pâ thế po rơdâ tơdroăng cheăng vâ tơleăng mơnhên vâ tơ’lêi tăng xiâm liăn vâ pêi, ví mơ’nhiê liăn tơmeăm khoăng tơnêi têa, khu mơdró ƀă kuăn pơlê.