Vi ƀan kong pơlê Lâm Đồng pơcháu Khu pơkuâ ‘na pêi chiâk deăng ƀă Kong prâi, kơ koan hnê mơhno má môi dêi Tôh pêi cheăng tơdjêp kơvâ mơjiâng, tơbleăng Pơkâ pêi cheăng, tơdroăng pêi, tơdroăng pơkâ pêi cheăng, séa ngăn, tiô ngăn rêm hơnăm, ai tơdrêng dêi Tôh pêi cheăng ƀă séa ngăn, mơhnhôk tơdroăng tơkŭm po pêi pro.

Nôkố kơxô̆ tuk ká dêi kong pơlê Lâm Đồng ai 8.200 toăng tuk. Tâi tâng tuk hiăng câp nhâ̆t a kơmăi (Vi-en-fis-bêis) Vnfishbase; lối 90% tuk ká hiăng châ ăm phêp mơ-éa phêp tơnăng ká xi xŏng; tuk ká ôh tá tŭm tơdroăng pơkâ veăng tơnăng ká xi xŏng ai 768 toăng tuk. Tơdroăng pơkuâ khu tuk, séa ngăn, tiô ngăn tuk ká pêi cheăng a têa kơxĭ pơtối châ thăm pêi pro, mơdât, ôh tá lôi tuk ká pro xôi kơpong têa kơxĭ kong têa ê; mâu tuk ká ôh tá tŭm pơkâ  pêi cheăng hiăng châ séa ngăn, chêh inâi ƀă tôh pơkuâ, séa ngăn krá, ôh tá ăm lăm tơnăng ká xi xŏng.