Klêi kơ’nâi hmâng mâu rơkong tơpui, tơpui mơgêi ‘na tơdroăng ki ăm rơkong tơpui tối ‘na ‘mâi pơhlêh ‘mot tơ’nôm mâu kơxop mơ-éa Luât ‘na nâp hnoăng liăn mơhá, jâ Nguyễn Thị Hồng, Phŏ kăn xiâm hnê ngăn Kuô̆k hô̆i tối tiah kố, Vi ƀan pơkuâ Kuô̆k hô̆i hiăng môi tuăn tơdroăng ki kal séa ngăn, ‘mâi pơhlêh, ‘mot tơ’nôm mâu tơdroăng luât nâp hnoăng liăn mơhá:

Mê cho, pêi lo liăn krê, pêi lo liăn khu dêi khu mơdró kâ, Ki kơnía ki tâk ƀă Tê roê tơmeăm vâ pêi pro pơhlêh mâu troăng hơlâ dêi Đảng ‘na pơhlêh ngiât, pơhlêh on tơhrik, mơnhông cheăng kâ krê ƀă ki xiâm cho thăm mơnhông péa kơxô̆ tro ƀă tơniăn ƀă rơpŏng tê mơdró ƀă khu mơdró kŭn ƀă krâ kơvâ, tâk tơdroăng ki tơdâng tơ’mô dêi troăng hơlâ nâp hnoăng liăn mơhá, veăng gum pơkâ tơmiât troh tơdroăng ki xúa, mơhnhôk xúa mâu rơxế ki tro ƀă hyôh kong prâi, kơdroh mơ’no trếo ‘mêi, tơmiât troh mơnhông krá tơniăn.