Klêi kơ’nâi tơmâng mâu tíu cheăng tơbleăng, xông tơpui mơgêi, pôa Hồ Quốc Dũng, Phŏ Ngế pro xiâm hnê ngăn tơnêi têa tối rơdêi, tơdroăng mơjiâng kŏng ngê̆ ton xŏn ƀă tơdroăng mơnhông dêi tơnêi têa cho tơdroăng ki kal; xua mê, mâu khu xiâm, kơvâ cheăng thế mot pêi cheăng; thế khên tơnôu, môi tuăn tơdroăng ki ôh tá tơniăn, xúa ki pơxúa “ ‘nâi ahdrối” pêi pro hdrối, tơdah ko.

Phŏ Ngế pro xiâm hnê ngăn tơnêi têa pơkâ tung khế 4/2026: Mơjiâng Tôh pêi cheăng tơdjêp râ; mâu khu xiâm, kơvâ cheăng tơbleăng inâi ƀă tơbleăng inâi tơmeăm kŏng ngê̆ ton xŏn. Kơ’nâi mê, mâu khu xiâm thế pêi pro tơdrêng ƀă pơkâ kơxô̆ liăn. Tơdrêng amê, mâu khu xiâm: Khoa hok ƀă Kŏng ngê̆, Liăn ngân, Hnê hriâm ƀă Hnê mơjiâng thế mơdêk hnê mơjiâng mơngế pêi cheăng, pêi kêi đeăng troăng pơkâ pêi liăn ngân.

Khu xiâm pơkuâ Hnê hriâm ƀă Hnê mơjiâng tuăn ngôa rơkê kal ai troăng hơlâ ki lĕm má môi mơhnhôk hnê mơjiâng mơngế pêi cheăng Kŏng ngê̆ ton xŏn.