Tơdroăng ki kal mơhnhôk tơdroăng ki veăng dêi kăn teăng mâ mâu Khu xiâm, kơvâ cheăng Tơnêi têa, khu tơrŭm cheăng lâp plâi tơnêi, mâu kăn teăng mâ, mâu ngế rơkê, ngế cheăng khoa hok ƀă khu tê mơdró tung tơnêi têa, kong têa ê.

Hôp tơpui tơno roh kố cho roh vâ Dak Lak pơtối xo vế túa ki rơkê tơtro lâp plâi tơnêi, mơjiâng hô sơ rah xo UNESCO mơnhên tơmeăm ki kơnía git; mơdêk mơnhông kơphế krá tơniăn, tơdjêp ƀă ôm hyô ƀă kơmăi kơmok khôi túa lĕm tro. Xông tơpui a tơdroăng ki kal, pôa Nguyễn Minh Vũ, Phŏ Ngế xiâm Khu xiâm tơpui kâ tối, tơdroăng rah xo kơphế pro tíu xiâm dêi tơpui tơno khôi túa lĕm tro cho troăng châ achê tơmiât pêi rơkê, gum vêh mơnhên ki kơnía dêi khu tơmeăm ki hmâ tung tơdroăng rêh ối.

Kơphế Việt Nam hâi kố ôh tá xê to veăng trâu tung tơdroăng ki kơnâ lâp plâi tơnêi mê ối ai hnoăng môi tiah “ngế teăng mâ mơhno khôi túa lĕm tro’’, djâ tơdroăng ‘na kuăn mơngế ƀă khôi túa lĕm Việt Nam troh ƀă pú hmâ lâp plâi tơnêi.