Tiô pơchuât tơbleăng, pơla hơnăm 2021 – 2025, tung lâp kong pơlê Dak Lak ai 2.460 tơdroăng tơkêa bro xúa kơxô̆ liăn tơnêi têa, tung mê 1.579 tơdroăng tơkêa bro tá hâi châ séa ngăn, riân ngăn; 141 tơdroăng tơkêa bro dế trâm pá, tơvâ tơvân, hrá châ pro. Pôa Lương Nguyễn Minh Triết, kăn pơkuâ hnê ngăn Đảng Dak Lak pơkâ thế séa ngăn tâi tâng, klâ xoăng nhên tơrêm khu tơdroăng tơkêa, klêi hdrối hâi lơ 15/5; hlối pêi pro nhên hnoăng cheăng pôu râng rêm khu pú hên, ngế krê, tro ƀă mơnhên tối kăn ƀô̆. Kong pơlê Dak Lak kô mơjiâng mâu tôh pêi cheăng xua kăn pơkuâ Vi ƀan hnê ngăn kong pơkuâ, séa ngăn, lêi tah tơrêm tơdroăng tơkêa, vâ rak tơniăn pôi tá chĭng iăng ƀă pơkâ tơleăng khât mâu tơdroăng ki tá hâi bro klêi.

Tơdroăng pơkâ tơleăng athế tro ƀă séa ngăn, riân ngăn, rế mơgêi tơdroăng ki xôi, rế lêi tah vâ ăm tơdroăng tơkêa châ mot tung hnoăng cheăng.