Kong pơlê Dak Lak mơnhên rơnêu nếo pro mơ-éa cheăng kâ rêh ối ƀă tơnêi têa cho tơdroăng ki châ tơƀrê hluâ pơkâ, ƀă hnoăng mơngế ối a ko. Hơnăm 2026, Dak Lak châ pơkâ kơdroh 15% hlá mơ-éa, 10% roh hôp; 100% mơ-éa pêi pro ing pro tơkŭm a môi tíu; kơdroh 50% chô, kơxô̆ liăn ăm khu tê mơdró. Dak Lak châ pơkâ a khế 10 kong pơlê ối má môi ‘na rơnêu nếo pro mơ-éa cheăng kâ rêh ối ƀă tơnêi têa.

Ki xiâm rơnêu nếo cho tơ’lêi hlâu pro mâu mơ-éa ƀă mơdêk pơhlêh xúa kŏng ngê̆, ƀă pơkâ xúa kŏng ngê̆ tâi tâng tung pro hô sơ, tơdjêp tơdâng tơ’mô ƀă Tíu pro mơ-éa cheăng kâ rêh ối ƀă tơnêi têa, tơniăn pơkâ tơdrăng lĕm, séa ngăn tơbleăng tơdrăng. Mâu kơvâ ki ai nếo tối môi tiah tơnêi tơníu kô châ thăm séa ngăn, tơpui pêi pro kơtăng tơdroăng ki khŏm; thế pâ pôi tá ‘nhó drêng pro mơ-éa lối hrá. Kong pơlê xuân mơdêk tơpui tơno ƀă kuăn pơlê, khu tê mơdró ƀă mơnhên tơdroăng ki châ tơƀrê rơnêu nếo.