Hneăng hôp châ tơkŭm po mơ’no tơdrêng tiô troăng hyôh hlối veăng ai lối 20 rơpâu ngế kăn ƀô̆, kŏng chưk, Kơvâ cheăng Séa ngăn Đảng a 3.466 tíu mơ’no tơdrêng tung um tơvi a mâu kong pơlê, Pơlê kong kân ƀă cheăm, bêng, kơpong tung lâp tơnêi têa.

Tối mơgêi hneăng hôp, pôa Trần Tiến Hưng, Phŏ pơkuâ Vi ƀan Séa ngăn Tíu xiâm pơkâ thế Vi ban Séa ngăn rêm râ pêi tơdrêng veăng tăng ‘nâi plĕng ăm râ ủi rơtế mơjiâng Tơdroăng pêi pro, pơkâ nhên, ai tơdroăng ki kal, xiâm ki tơtro ƀă hnoăng cheăng, tơdroăng cheăng ƀă tơdroăng ki hlo ai khât a cheăm bêng, kong pơlê, kơ koan, tíu pêi cheăng, đông lêng.

Tơdroăng ki kal, pơkâ mê thế tơniăn hlối nhên hleăng hlối tơtro ƀă tơdroăng ki ai khât a pơlê cheăm, kong pơlê, kơ koan, tíu pêi cheăng, đông lêng, nhên hâi khế ki pê klêi, nhên hnoăng cheăng, xiâm ing lâp ƀă mơ’nui ăm hlo; rơtế ƀă pêi pro tiô Pơkâ kơ xô̆ 05 ƀă hlối tăng ngăn nhên tơrêm tơdroăng, tối ki pú hên dêi râ ủi, mâu kăn, kơ koan, tíu pêi cheăng, đông lêng ƀă mơngế ki ối a ko pro tiô pơkâ.