A rôh pêi cheăng pôa Tô Lâm khĕn kơdeăn mâu tơdroăng pêi pro ki kal tung tâi tâng Đảng ƀô̆, mâu kăn ƀă kuăn pơlê Hà Tĩnh hiăng châ pêi pro tung mâu khế hdrối nah. Tung la ngiâ, pôa Tô Lâm pơkâ thế, kong pơlê Hà Tĩnh kal pơkâ kơtăng hơ’lêh nếo tuăn tơmiât túa pêi cheăng, mâ ngăn ƀă troăng hơlâ pơkuâ hnê mơho; mơjiâng troăng mơnhông tơbrê, xo ki tâng rĕng ƀă krá ton pro xiâm, xo kuăn mơngế pro xiâm, khoa hok - kŏng ngê̆, hơ’lêh nếo hriăn plĕng ki nếo ƀă pơ‘lêh kơxô̆ pro xiâm, tơbleăng khât ai pơxúa Pơkâ 57 dêi khu xiâm kal kí vâ pro pơ’lêh nhên ki tơƀrê dêi tơdroăng cheăng.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa loi khât, ai tuăn chân krá, tuăn rơkê ƀă púi vâ mơnhông, Đảng ƀô̆, mâu kăn ƀă kuăn pơlê Hà Tĩnh kô pơtối tơrŭm môi tuăn, hơ’lêh nếo, pơtối rak ki môi tuăn “Idrâp hơkâ Xô Viết - Nghệ Tĩnh”, mơ-eăm mơnhông rĕng, tuăn tơdroăng ƀă krá, ai hnoăng veăng ‘no tơxâng a tơdroăng mơnhông tơdjuôm dêi tơnêi têa.