Tơpui a rôh pêi cheăng, pôa Lê Minh Hưng, Ngế pro xiâm hnê ngăn tơnêi têa pơkâ thế, hnoăng cheăng mơnhông tơnêi têa tung hneăng nếo gá nhên, hnoăng cheăng pêi pro kân ƀă hngăm, malối cho cheăng rak vế tơniăn pơkâ pêi thăm mơnhông krá tơniăn 2 kơxô̆, tung mê, Khu xiâm, kơvâ cheăng ngăn kơmăi kơmok tê mơdró athế pôu râng hnoăng cheăng ki kal, djâ troăng ahdrối vâ pêi châ tiô pơkâ mơ’no.

Ngế pro xiâm hnê ngăn tơnêi têa tối nhên, Khu xiâm ngăn kơmăi kơmok ƀă tê mơdró kal pơhlêh ƀă tơkŭm pêi pro tơdrêng túa pơkâ pêi pro Tơdroăng dêi Chin phuh pêi pro Pơkâ Hneăng hôp XIV dêi Đảng, mơgêi kơxô̆ 18 dêi Tơnêi têa vâ tơbleăng mâu tơdroăng ki kal tung mâu kơvâ cheăng pơkuâ ngăn dêi Khu xiâm ngăn kơmăi kơmok ƀă tê mơdró (on tơhrik, têa châu têa kơxăng, khoa hok kong ngê̆, pơhlêh nếo tơmiât pêi rơkê, tê tơmeăm ngi kong têa ê, tê tơmeăm tung tơnêi têa); pơcháu mâu tơdroăng pơkâ pêi, tơdroăng cheăng, hâi khế pêi cheăng ăm rêm ngế kăn pơkuâ khu xiâm kơvâ cheăng, tíu pêi cheăng tung khu xiâm, mâu grup cheăng kâ tơnêi têa, kong pơlê.