Lâp tung kong pơlê Gia Lai nôkố ai 424 toăng tuk xŏn lối 6 mét tơngi klêng ôh tá tŭm ivá lơ ôh tá ối kal vâ mơ-eăm lo a têa kơxĭ, kô xúa tơdroăng ki kal luât tŏng gum dêi Hô̆i đong kuăn pơlê dêi kong pơlê. Kong pơlê kô kơjo gum kuăn pơlê sap 50% troh 80% ki pơxúa pro nếo kơtôu tuk, tơdrêng ƀă 70% ki pơxúa dêi kơmăi ki hiăng klêi xúa.

Tơdrêng amê, kuăn pơlê ki tơnăng ká ƀă mâu ngế tung rơpŏng hngêi ki tơnăng ká châ kơjo kum môi hdroh kơxô̆ liăn pêi cheăng ƀă kơjo pêi ahdrối nếo ăm mung liăn, vâ pêi cheăng. Tung khế 4/2026, kong pơlê Gia Lai hiăng ăm pơtân lối 212 rơ tal liăn ăm 16 to cheăm, bêng kĭng têa kơxĭ. Tung mê, ai lối 206 rơtal liăn ‘măn ăm tơdroăng tah tuk ká ƀă lối 5,5 rơtal liăn vâ kơjo kum hnê cheăng pêi. Luât pơkâ mê dế châ hên ngế vâ môi tuăn ing kuăn pơlê tơnăng ká kơpong têa kơxĭ kong pơlê Gia Lai.