Tối tơbleăng a rôh tơpui, pôa Lê Minh Hưng, Ngế pro xiâm hnê ngăn tơnêi têa tối nhên tơrŭm pơla Việt Nam - Hàn Quốc nôkố ôh ti xê pơtê to a tơrŭm tê mơdró lơ ‘no liăn pêi cheăng mê hiăng pơ’lêh môi tơdroăng ki kân tâ, mâu hơnăm tơrŭm cheăng tung tŭm tơdroăng, rơtế veăng ƀă pơxiâm pro mâu rôh pêi cheăng ai pơxúa nếo a kơpong ƀă tung lâp plâi tơnêi.

Ngế pro xiâm hnê ngăn tơnêi têa púi vâ mâu khu mơdró péa tơnêi tếa kô tơpui tối tơdrăng, pâ thế nhên mâu tơdroăng, rơtế ƀă Chin phuh péa tơnêi têa tah mâu tíu ki pá tơvâ tơvân hlối po mâu troăng tơrŭm cheăng ki nếo. Kăn xiâm pơkuâ kong têa Hàn Quốc tối, drêng ôh tá tơniăn cheăng kâ tung lâp plâi tơnêi dế tâk, tơrŭm cheăng kâ pơla péa tơnêi têa Hàn Quốc ƀă Việt Nam rế kal tâ nếo, rơtế ƀă dêi rơ pó pê klêi hệ sinh thái kơmăi kơmok tung la ngiâ, pro tíu ki xúa ăm tơdroăng mơnhông tơbrê.

Tối nhên. tơmeăm tê pơla péa pâ hơnăm 2025 hiăng châ 94,6 rơtal USD, Kăn xiâm pơkuâ kong têa loi khât pơtối po rơdâ tơrŭm cheăng tê mơdró, ‘no liăn cheăng hlối bro klêi vâ ai pơxúa tiô pơkâ ki nếo cho 150 rơtal USD a hơnăm 2030.