Ahdrối mơgêi, Kuô̆k hô̆i têk kŏng môi tuăn tơbleăng hên Tơdroăng pơkâ ki kal. Mê cho Tơdroăng pơkâ ‘na kĭ mơgêi tơdroăng mơ’no hrê liăn ngân tơnêi têa hơnăm 2024; Tơdroăng pơkâ ‘na cheăng séa ngăn dêi Kuô̆k hô̆i hơnăm 2027; Tơdroăng pơkâ ‘na mơjiâng Khu séa ngăn ‘na tơdroăng cheăng dêi Kuô̆k hô̆i hơnăm 2027; Tơdroăng pơkâ dêi Kuô̆k hô̆i ‘na mơnhông khôi túa lĕm tro Việt Nam; Tơdroăng pơkâ ‘na pêi mơnhông cheăng kâ – rêh ối pơlê pơla 05 hơnăm hneăng hơnăm 2026 – 2030; Tơdroăng pơkâ ‘na pơkâ mơ’no liăn cheăng tơnêi têa iâ khế hneăng hơnăm 2026 – 2030; Tơdroăng pơkâ ‘na troăng pơkâ pêi, troăng hơlâ ki phá tơ-ê vâ tơpui pêi pro mâu tơdroăng xôi luât ‘na tơnêi tơníu dêi khu tơrŭm cheăng, ngế krê lôi ai drêng Luât Tơnêi tơníu hơnăm 2024 ai xêt khât ƀă troăng pêi pơtối tah lôi pá puât, tơvâ tơvân ăm mâu tơdroăng tơkêa bro ki u ối, ton xŏn.

Kuô̆k hô̆i têk kŏng môi tuăn tơbleăng Luât ‘mâi rơnêu, tơ’nôm mâu troăng dêi Luât Hnoăng mơhá krê, Luât hnoăng mơhá ki kơnâ tơtêk, Luât hnoăng mơhá pêi lo liăn khu tê mơdró ƀă Luât hnoăng mơhá  tê tơmeăm ki lĕm má môi.