VOV4.Xơ Đăng - Măng tĭng hdrối, xông tơpui a leh mơgêi Roh hôp mâu kăn lâp tơnêi têa ‘na hnoăng cheăng Hô̆i đong kuăn pơlê mâu kong pơlê, pơlê kong kân ối tung tíu xiâm Tơnêi têa hơnăm 2023 ƀă pơkâ pêi pro hnoăng cheăng hơnăm 2024, pôa Vương Đình Huệ, Kăn xiâm hnê ngăn Kuô̆k hô̆i tối nhên, ing tơdroăng ki ai păng ‘nâng dêi tơná, Hô̆i đong hnê ngăn pơtối mơdêk hên tâ nếo hnoăng cheăng, achê tâ nếo ƀă pôu râng dêi hnoăng cheăng ăm tơdroăng mơjiâng luât ƀă mâu troăng hơlâ, troăng pơkâ, maluâ cho mâu luât ki ai tơdjâk troh tơdroăng pêi cheăng kâ, rêh ối pơlê pơla.

VOV4.Xơ Đăng - Đảng ủy - Khu pơkuâ ngăn Kuân đoân 3 nếo tơkŭm po kân krip rôh trâm mâ tơbâ 49 hơnăm Hâi mơjiâng. Veăng ai mâ rôh trâm mâ kố ai Trung tươ̆ng Nguyễn Doãn Anh, Ngế cheăng tung Tíu xiâm Đảng, kăn phŏ tí tăng ‘nâi plĕng ăm Khu lêng kuăn pơlê Việt Nam; Trung tươ̆ng Trần Minh Đức, kăn pơkuâ Khu xiâm Kih thuât; kăn dêi mâu kơ koan Khu xâm pơkuâ ngăn lêng; Đảng ủy, Khu pơkuâ ngăn Kuân đoân 3, hlối cho kăn pơkuâ Kuân đoân 3 hneăng hdrối.

VOV4.Xơ Đăng - Leh tơbâ 93 hơnăm mơjiâng Đoân Droh rơtăm Kŏng san Hồ Chí Minh, tung hâi lơ 26/3 rơxông ối nếo kong pơlê Kon Tum hiăng ai hên cheăng pêi ki kơnâ.

VOV4.Xơ Đăng - Kơxo lơ 26/3, a Hngêi Kuô̆k hô̆i, xua tơdroăng pơkuâ dêi pôa Vương Đình Huệ, Kăn xiâm hnê ngăn Kuô̆k hô̆i, Vi ƀan pơkuâ Kuô̆k hô̆i pơxiâm po Rôh hôp khu kăn Kuô̆k hô̆i pêi cheăng rôh má 5, hneăng 15 vâ tơpui tơno mâu tơdroăng ki kal pơtroh ăm Kuô̆k hô̆i a Hneăng hôp má 7, Kuô̆k hô̆i hneăng 15.

VOV4.Xơ Đăng - Kơxo lơ 25/3, a pơlê kong kơdrâm Gia Nghĩa, kong pơlê Dak Nông, Khu lo tŏng veăng Việt Nam tơkŭm po Rôh hôp tối ‘na túa pơkâ, tơdroăng ki rơkê tung pêi pro Tơkêa Viê̆n tŏng kum lâp plâi tơnêi vâ kum klêi kơ’nâi kong mê khía mơhot têa kân lân lu a hơnăm 2023”.

VOV4.Xơ Đăng - Tung roh hôp má 31 po a măng tĭng hdrối nah, Vi ƀan pơkuâ ngăn hiăng ăm mâu kăn veăng tơpui tối, leăng mơnhên, tơmâng xo, ‘mâi rơnêu 2 tơdroăng luât, tung mê, ai: Tơdroăng tơkêa bro Luât hdrối kơ’nâi, tơniăn troăng prôk ƀă Luât prôk troăng. Vi ƀan pơkuâ ngăn Kuô̆k hô̆i vâ môi tuăn pơkâ pro môi tơdroăng pơkâ mơdât tơdroăng ki vê rơxế kơtâu drô troăng prôk la tung mơheăm lơ hyôh ihiâm hiăng ai pló drôu. Lại Hoa - Ngế chêh hlá tobeăng ai chêh tối ‘na tơdroăng mê.

VOV4.Xơ Đăng - Kơxo lơ 21/3, a tơring Čư̆ Mgar, kong pơlê Dak lak, Khu xiâm ngăn Kŏng an tơrŭm ƀă Khu ngăn Đảng, Vi ƀan hnê ngăn kong pơlê Dak Lak ƀă mâu Khu ki tŏng kum tơkŭm po diâp hngêi ối ƀă kơxô̆ liăn bro 1.200 toăng hngêi diâp ăm rơpŏng kơtiê xơpá ‘na hngêi ối a kong pơlê.

VOV4.Xơ Đăng - Môi tiah Rơ’jíu Việt Nam hiăng tối tơbleăng, rơpâu hectar loăng plâi pêt a tơring Krông Nô, kơpong ‘’khăng khoăng ó’’ dêi kong pơlê Dak Nông dế tung tơdroăng ôh tá bê têa tôh, tơ’lêi ai kong tô khăng khoăng ó.

VOV4.Xơ Đăng - Kơxo lơ 19/3, a Ƀơrô Chin phuh, pôa Trần Hồng Hà, Kăn xiâm hnê ngăn Hô̆i đong Tơnêi têa Hnê hriâm ƀă Hnê mơjiâng tuăn ngôa rơkê pêi cheăng pơkuâ roh hôp dêi Hô̆i đong tơpui ‘na tơdroăng tơkêa bro “Troăng pêi ton xŏn mơnhông hnê hriâm hneăng troh 2030, tơmiât pêi troh hơnăm 2045’’.

VOV4.Xơ Đăng - Tung pơla kong tô mơdrăng khăng khoăng 2023 - 2024 a Tây Nguyên châ tối tơbleăng kô trâm kong tô ó, ôh tá ai têa ƀă hên ki ê tơdroăng ki vâ xúa on tơhrik tung pêi cheăng kâ, pêi chiâk deăng ƀă tơdroăng rêh ối rế hên, kơvâ on tơhrik Dak Lak hbrâ rơnáu tơbleăng hên troăng hơlâ tung pơkuâ ngăn, mơ’no vâ rak tơniăn bê on thrik.