VOV4.Xơ Đăng – Pơla hdrối kố nah, a Rơ’jiu, um tơvi Khu lêng Hà Nội, hiăng po Leh Khê̆n kơdeăn ngế ki “Hnê mơhnhôk rơkê” dêi Khu lêng a kơpong kuăn pơlê hdroâng kuăn ngo ƀă peăng kong ngo. A rôh leh, ai 35 khu pú hên ƀă 80 ngế krê châ ô eăng xua mâu tơdroăng veăng gum kơhnâ rơkê tung tơdroăng hnê mơhnhôk, veăng gum ‘mâi mơnhông tơdroăng cheăng lêng, gâk kring ƀă mơjiâng ivá rơdêi gâk kring kuăn pơlê.

VOV4.Xơ Đăng - Hâi lơ 25/2, Kŏng an kong pơlê Gia Lai tơkŭm pơxiâm po leh pro, diâp ăm hngêi ƀă pơcháu liăn ăm Khu xiâm kŏng an kum tung tơdroăng tơdjuôm xut tah hngêi pơtân, hngêi xi kơchoh tung kong pơlê.

VOV4.Xơ Đăng - Tơdroăng ing Vi ƀan kong pơlê Dak Lak, troh nôkố, mâu tíu cheăng, tơring tung kong pơlê hiăng mơhnhôk châ tâi tâng kơxô̆ liăn lối 193 rơtal liăn vâ pêi pro tơdroăng ‘nhê tah hngêi pơtân, hngêi xiê kơchoh pro ăm hngêi nếo ăm rơpŏng kơtiê, vâ chê kơtiê.

VOV4.Xơ Đăng - Măng tĭng hdrối, kơnôm tơdroăng pơkuâ djâ dêi pôa Trần Thanh Mẫn, Kăn xiâm hnê ngăn Kuô̆k hô̆i, cheăng tung Vi ƀan xiâm hnê ngăn Kuô̆k hô̆i tơnêi têa hiăng po roh hôp, vêh mơnhên ngăn, tối tơbleăng Tơdroăng pơkâ ‘na hnoăng cheăng, pơcháu hnoăng cheăng ƀă ‘mâi rah xo mơngế ki vâ pêi cheăng pro kăn dêi mâu kơ koan Kuô̆k hô̆i. Roh hôp kố po klêi kơ’nâi Vi ƀan xiâm hnê ngăn Kuô̆k hô̆i hiăng vêh tăng rah mơngế cheăng a Hneăng hôp ôh tá ai pơkâ ahdrối má 9, Kuô̆k hô̆i hneăng 15. Ing mê, vêh mơnhên hnoăng cheăng, hnoăng pơkuâ, ‘mâi rơnêu khu ngế ki pro kăn pơkuâ cheăng a mâu kơ koan dêi Kuô̆k hô̆i.

VOV4.Xơ Đăng - Hâi lơ 21/2, ngăn a Pơkâ kơxô̆ 68/NQ-UNTVQH15 hâi lơ 14/2/2025 dêi Vi ƀan Pơkuâ cheăng Kuô̆k hô̆i, Chin phuh tơnêi têa Kŏng hoa xah hô̆i chuh ngiah Việt Nam hiăng tối tơbleăng ‘na troăng xiâm ki riân ngăn rơdâ dêi troăng têa kơxĭ Việt Nam tung Kung king Peăng kơnhŏng tơnêi têa.

6.VOV4.Xơ Đăng - Hâi lơ 1/3 la ngiâ kô ah, mâu kong pơlê a Dak Lak kô mơjiâng pro 4.285 toăng hngêi tiô tơdroăng tơkêa bro 214 ‘na tah hngêi xi kơchoh, hngêi pơtân kum mâu rơpŏng kơtiê, vâ chê kơtiê tung kong pơlê.

VOV4.Xơ Đăng – Tơdroăng hnê tơ’nôm, hriâm tơ’nôm cho tơdroăng cheăng ki kal khât dêi mâu hok tro ƀă thái cô. Maluâ ti mê, pakĭng tơdroăng ki mơhnŏng vâ, la xuân ai hên tơdroăng ki ôh tá tro, pơklât thế hok tro hriâm tơ’nôm tiô kơ hên túa pơrá phá dêi pó. Sap ing hâi lơ 14/2/2024, Hlá mơ-eá pơkâ kơxô 29 dêi Khu xiâm ngăn ‘na Hnê hriâm ƀă Hnê mơjiâng tuăn ngôa rơkê pơkâ ‘na tơdroăng hnê tơ’nôm, hriâm tơ’nôm hiăng ai châ xêt khât. Tâng pơchông ngăn ƀă tơdroăng pơkâ dế nôkố, hlá mơ-eá kố ai hên tơdroăng ki nếo, pro hên ngế, hên khu ai hên rơkong tối pơrá phá dêi pó a pơla mê hía nah.

VOV4.Xơ Đăng - Kơxo lơ 18/2, ƀă 463.465 ngế kăn Kuô̆k hô̆i tiê nut môi tuăn (châ 96,86% tung tâi tâng kơxô̆ ngế kăn Kuô̆k hô̆i), Kuô̆k hô̆i hiăng tơbleăng Luât Tơrŭm Chin phuh (‘mâi pơhlêh).

VOV4.Xơ Đăng - Pơtối Hneăng hôp ôh ti xê tiah hmâ rôh má 9, kơxo lơ 18/2, Kuô̆k hô̆i têk kŏng tơbleăng Luât Tơrŭm Chin phuh (‘mâi pơhlêh).

VOV4.Xơ Đăng - Khu lêng mố đô̆i gâk tơkăng kong kong pơlê Kon Tum dế mơhnhôk thế veăng tơlo hên kơxô̆ liăn vâ tŏng gum tơ’nôm liăn ƀă hâi pêi cheăng vâ kuăn pơlê pro klêi mâu hngêi ki lĕm, krá tâ a tíu tơkăng kong.