VOV.Xơ Đăng - Tung pơla Hnoăng cheăng Xiâm Tơnêi têa ‘na mơnhông pêi cheăng kâ, pêi lo kế tơmeăm, rêh ối pơlê pơla kơpong hdroâng kuăn ngo ƀă kong ngo dế hbrâ vâ mot tung hneăng ki nếo, mê tơdroăng ki pơtối rak vế ƀă thăm mơdêk ó rơdêi luâ tâ kơ mê tung hnoăng cheăng hnê tối, pơtâng khĕn ‘na ki rak tơdâng hnoăng pơla vâi kơdrâi-vâi kơnốu tung rêm kơvâ cheăng ôh tá xê to hnê mơhnhôk thế pêi, mê ga hiăng chiâng hnoăng cheăng ki kal athế pêi pro tơdrêng. Tơdroăng kố, ôh tá xê to rak vế ki tơniăn hnoăng rêh ối krê ăm vâi kơdrâi ƀă vâi o, vâi muăn kơdrâi, mê ối cho ki xiâm khoh mơjiâng hnoăng rêh ối, pêi cheăng ki kal, chiâng ai tơdroăng ki mơnhông krá tơniăn ăm pơlê pơla.

VOV.Xơ Đăng - Tung pơla mơnhông pêi cheăng kâ, pêi lo kế tơmeăm, tơdroăng rêh ối pơlê pơla a mâu kơpong hdroâng kuăn ngo ƀă kong ngo, tơdroăng ki rak tơdâng hnoăng pơla vâi kơdrâi-vâi kơnốu ôh tá xê to kring vế ‘na rêh ối dêi vâi kơdrâi ƀă vâi ‘nĕng, mê ối cho môi hnoăng cheăng ki kal gum ăm mâu kong pơlê, cheăm bêng châ mơnhông cheăng kâ krá tơniăn, ôh tá ăm ai ngế ki tro lôi pa rŏng. Tơdroăng pơkâ kơxô̆ 8, dó inâi “Rak vế, pêi pro ki tơdâng hnoăng pơla vâi kơdrâi-vâi kơnốu ƀă tăng po troăng hơlâ vâ pêi pro tơdrêng ‘na cheăng tŏng gum ăm vâi kơdrâi ƀă vâi ‘nĕng” cho môi tung mâu tơdroăng cheăng ki kal dêi Hnoăng cheăng Xiâm Tơnêi têa tung mơnhông pêi cheăng kâ-rêh ối pơlê pơla kơpong hdroâng kuăn ngo ƀă kong ngo.

VOV.Xơ Đăng - Tơdroăng pơkâ dêi tơnêi têa mơnhông cheăng kâ - pơlê pơla kơpong kuăn ngo ƀă kong ngo  pơla hơnăm 2021-2030, malối cho tơdroăng Tơkêa bro 8  “Pêi pro tơdroăng ôh tá pơrah pơla vâi kơdrâi ƀă vâi kơnốu ƀă tơleăng klêi mâu tơdroăng ki kal pêi tơdrêng ƀă vâi kơdrâi ƀă vâi hdrêng”, hiăng  pro pơ’lêh khât tung tuăn tơmiât hlê plĕng ƀă tơdroăng rêh ối dêi vâi kơdrâi. Laga, ing tơdroăng tơbleăng, xuân ối hên tơdroăng hâi pêi pro, pro oh tá tro, ki pơloăng mơnúa kal thế ngăn nhên ƀă pêi klêi tơdroăng pêi tơdrêng vâ ai pơxúa tơbrê ƀă krá tơniăn.

VOV.Xơ Đăng - Kơpong kuăn ngo ƀă kong ngo tơnêi têa pin đi đo cho tíu trâm hên pơloăng mơnúa ‘na tơdroăng tơmiât tối phá tơ- ê pơla kơdrâi kơnốu, tơdroăng rĕng xo on veăng hâi tro hơnăm, ‘na xo on veăng ối pơdjuôm môi mơheăm môi hdrông hdrê, tôu pâm dêi on veăng ƀă ôh tá châ hriâm, tá châ xúa mâu tơdroăng ki vâ mơnhông tơƀrê. Tung pơlê mê, Tơdroăng tơkêa bro “Pêi pro tơdroăng ôh tá pơrah pơla vâi kơdrâi ƀă kơnốu ƀă tơleăng klêi mâu tơdroăng ki kal pêi tơdrêng ƀă vâi kơdrâi ƀă vâi hdrêng”- cho tung Tơdroăng Pơkâ dêi Tơnêi têa mơnhông cheăng kâ - pơlê pơla kơpong kuăn ngo ƀă Kong ngo pơla hơnăm 2021-2030. Hiăng mơhno hnoăng cheăng cho môi tơdroăng ki vâ mơhnhôk pêi rơdêi.

VOV.Xơ Đăng - Hâi lơ 10/7, pôa Phạm Minh Chính, Ngế pro xiâm hnê ngăn tơnêi têa pơkuâ Hôp tối 3 hơnăm pêi pro tiô pơkâ kơxô̆ 18- NQ/TW, 1 hơnăm pêi pro ‘na Luât Tơnêi hơnăm 2024. Ngế pro xiâm hnê ngăn tơnêi têa  pơkâ mâu luât pơkâ tŏng kum ‘na tơnêi thế tăng ‘nâi plĕng ki pơxúa dêi tơnêi, ai riân tâi tâng, tá tơdroăng ki tơdjâk troh hên kơvâ cheăng.

VOV.Xơ Đăng - Klêi kơ’nâi rôh hôp má môi Gia Lai, Bình Định, Hô̆i đong hnê ngăn kong pơlê Gia Lai hneăng XII, hơnăm 2021 – 2026, hiăng tơkŭm po hneăng hôp apoăng. Kố cho tơdroăng cheăng ki kal hdró ăm tơdroăng ki pơxiâm dêi kơ koan pơkuâ cheăng nếo ƀă pơkâ pêi mơjiâng Gia Lai mơnhông rơdêi tung hneăng ki nếo

VOV.Xơ Đăng - Tơkâ luâ túa pơkâ, hiăng pêi klêi rĕng tâ hnoăng pơcháu 2 khế, tơdroăng têa tah hngêi tơ’nhiê, xi kơchoh a mâu kong pơlê Gia Lai, Lâm Đồng ôh ti xê pro pơxúa ai mâu toăng hngêi ki lĕm kâk, mê ối mơhnhôk lối rơpâu rơpŏng kơtiê a cheăm tơkâ luâ xơpá. Kuăn pơlê rế loi, rế ai tíu hgiân vâ mơnhông cheăng kâ, pơhlêh tơdroăng rêh kâ ối.

VOV.Xơ Đăng - Kơlo liăn tŏng gum 25 rơtuh ăm rêm ngế kăn ƀô̆ troh pêi cheăng a Tíu pêi cheăng pro a kong pơlê Quảng Ngãi ƀă kơxô̆ liăn tŏng gum, tơdroăng xúa hiăng châ Hô̆i đong hnê ngăn kong pơlê Kon Tum hneăng 12-Hneăng hôp chuyên đề tơbleăng.

VOV4.Xơ Đăng - Ƀă lối 1/3 pơ’leăng mâ mơngế cho hdroâng kuăn ngo, kong pơlê Dak Nông tơmâng ngăn khât troh cheăng kơdroh kơtiê. Ƀă kơxô̆ liăn gum ing mâu tơdroăng pơkâ tơnêi têa rơtế ƀă túa pêi “râng kŏng hnê cheăng”, lối rơpâu rơpŏng kuăn pơlê kơtiê kơpong hdroâng kuăn ngo hiăng kơdroh hên, tơdroăng rêh ối kuăn pơlê rế hía rế châ mơnhông.

VOV.Xơ Đăng - Pôa Phạm Minh Chính, Ngế pro xiâm hnê ngăn Chin phuh pơkuâ hôp má 5 Khu hnê mơhno cheăng Xiâm Tơnêi têa tơbleăng tah hngêi pơtân hngêi xi kơchoh, tung lâp tơnêi têa.