Khu pơkuâ ngăn pơkeăng ƀă khăm pơlât kong pơlê Dak Lak hiăng pêi pro troh tâi tâng mâu Hngêi pơkeăng cheăm ƀă Tíu Hngêi pơkeăng cheăm ối tung 102 cheăm, bêng pêi pro pơkâ khăm ivá rêm hneăng, rak khăm tê kơtê ăm kuăn pơlê. Tung mê, mơnúa a 4 cheăm, bêng cho Tân An, Tuy Hòa, mâu cheăm Đồng Xuân ƀă Krông Bông; 98 cheăm, bêng ki ê nếo kô rơtế pêi pro sap ing hâi lơ 1/7 la ngiâ.

Troh nôkố, vâ chê 500 ngế kuăn pơlê hiăng châ khăm tŭm tiô hnê mơhno dêi Khu xiâm khăm pơlât ƀă ngăn pơkeăng, ƀă tơdroăng rah khăm dế pơtối ƀă rơpâu ngế. Kong pơlê Dak Lak klêi tơ’nâi tơmot chiâng môi ai 3,34 rơtuh ngế kuăn pơlê. Hneăng hơnăm 2026 – 2030, Dak Lak tiô tối hdrối xing xoăng 1.000 rơtal liăn/hơnăm vâ rah khăm tê kơtê ăm kuăn pơlê. Krê hơnăm 2026, kong pơlê xing xoăng 400 rơtal liăn ăm 102 hngêi pơkeăng cheăm, bêng, ƀă kơlo mơ’no dâng 350 rơpâu liăn/môi ngế/rôh khăm.

Klêi péa măng tĭng mơnúa pêi pro, kơnôm hbrâ kế tơmeăm khoăng, mơngế pêi cheăng, pêi pro rơdêi tơdroăng pơtâng tối rơtế tơdroăng môi tuăn, hâk vâ dêi kuăn pơlê, tơdroăng pêi pro Tơdroăng pơkâ apoăng mơnhên mâu tơdroăng châ tơƀrê păng ‘nâng, pro xiâm kối vâ pêi pro tơdâng tơ’mô tung lâp kong pơlê tung la ngiâ.