VOV4.Xơ Đăng - Rak vế, pêi pro tiô tơdroăng pơkâ dêi Ngế pro xiâm hnê ngăn Chin phuh, mơ’nui măng tĭng hdrối, a pơlê kong kơdrâm Plei Ku, kong pơlê Gia Lai, Chin phuh tơkŭm po Roh hôp mơnhông pêi cheăng kâ-rêh ối pơlê pơla hnối kring vế, gak ngăn tung lâp kơpong Tây Nguyên. Ngế pro xiâm phŏ hnê ngăn Chin phuh Trần Lưu Quang, Kăn xiâm hnê ngăn Hô̆i đong ki xing xoăng hnoăng cheăng Tây Nguyên; Đăi tươ̆ng Tô Lâm, Ngế xiâm ngăn Kŏng an ƀă Ngế xiâm ngăn ‘na  Pơkâ cheăng ƀă Mơ’no liăn cheăng Nguyễn Chí Dũng, Kăn xiâm phŏ hnê ngăn Hô̆i đong xing xoăng cheăng a kơpong Tây Nguyên, rơtế pơkuâ ngăn hneăng hôp.

VOV4.Xơ Đăng - Tăng rah xo vâi droh rơtăm hơnăm ối nếo ki rơkê kơhnâ, vâ ai pơkâ ‘na tơdroăng kum hnê hriâm, ăm vâi châ hriâm hnối mot Đảng hdrối vâ lăm pro mô đô̆i tung roh ki tăng rah xo vâi droh rơtăm lăm pro mô đô̆i tung hơnăm kố, cho vâ mơjiâng khu kăn ƀô̆ ki gak ngăn, kring vế hiăng hâk tơngăm xua hiăng châ mot Đảng hdrối hâi vâ mot pro mô đô̆i tung hơnăm kố, ing mê, mơjiâng ivá ki rơdêi vâ khu rơxông nếo pleăng dêi hnoăng tung kring vế, rak ngăn, mơnhông tơnêi têa. Nguyên Nhung - Ngế chêh hlá tơbeăng ai chêh tối ‘na tơdroăng mê.

VOV4.Xơ Đăng - Kơxê lơ 28/2, a tíu pêi cheăng Chin phuh, Ngế pro xiâm phŏ hnê ngăn Chin phuh Trần Lưu Quang pơkuâ roh hôp roh má môi Khu hnê mơhno pêi pro rah xo tơniăn tơtro kơ koan pơkuâ tơnêi têa râ tơring, râ cheăm hneăng hơnăm 2023 – 2030. Tiô tối hdrối klêi kơ’nâi rah tơniăn tơtro kô kơdroh 633 kơ koan pơkuâ tơnêi têa râ tơring, cheăm.

VOV4.Xơ Đăng - Ai 91 ngế sinh viên Lếo ƀă 14 ngế sinh viên Kul ki veăng a tơdroăng cheăng hơnăm 2023, mâu rơpŏng ki roăng rak a Pơlê kong kân Hồ Chí Minh hiăng kum mâu vâi o ai tơ’nôm ivá mơno kơdo mơ-eăm hriâm tâp kơnôm ‘na kế tơmeăm ƀă tuăn mơno tung tơdroăng ki mơjo pâ.

VOV4.Xơ Đăng - Kơxo lơ 22/2, Khu xiâm mơjiâng bro kế tơmeăm khoăng tơkŭm po rôh Hôp tơbleăng tơdroăng tơkêa “’No liăn bro iâ hlái 1 rơtuh toăng hngêi ối rơpâ ăm mâu ngế ki pêi lo liăn iâ, kŏng nhân kơpong pêi cheăng ƀă kơmăi kơmok pơla hơnăm 2021 – 2030” hơnăm 2024. Ngế pro xiâm phŏ hnê ngăn Chin phuh Trần Hồng Hà veăng hôp ƀă hnê mơhno a Rôh hôp.

VOV4.Xơ Đăng - Kơxo lơ 21/2, Khu lo tŏng veăng Việt Nam tơkŭm po trâm mâ khu chêh hlá tơbeăng vâ tối ‘na “Khế tŏng kum hơnăm 2024”.

VOV4.Xơ Đăng - Môi ngế kuăn pơlê ki pêi chiâk nếo hriâm tâi lâm 7 la hiăng hriăn pro xêh 40 toăng kơmăi pêi chiâk, hiăng tê ăm 15 to kong têa tung lâp plâi tơnêi. Ngoh Phạm Văn Hát cho kuăn pơlê ki pêi chiâk a kong pơlê Hải Dương. Tơdroăng hơ’muăn tối ‘na mơngế ki rơkê mê châ chêh ‘mot tung hlá mơ-éa hriâm Tiếng Việt lâm 4, tâp 1 (Kơxop hlá mơ-éa Cánh diều) tung ƀai ai chêh tiah kố “Ngế rơkê mơjiâng kơmăi xúa pêi chiâk’’.

VOV4.Xơ Đăng - Mâu hâi tung Rơnó Hơngui apoăng hơnăm nếo, Kăn xiâm hnê ngăn Kuô̆k hô̆i Vương Đình Huệ hiăng trâm mâ mâu kăn xiâm, mâu ngế kăn teăng mâ Kuô̆k hô̆i ki pơkuâ hnoăng cheăng Tơnêi têa ƀă kăn ƀô̆, mơngế pơkuâ, mơngế cheăng dêi Ƀơrô Kuô̆k hô̆i.

VOV4.Xơ Đăng - Môi tung mâu tơdroăng cheăng xiâm ki kal hiăng châ Hneăng hôp ôh tá ai pơkâ hdrối roh má 5, Kuo#k ho#i tối tơbleăng, mê cho 8 túa cheăng ki xiâm dêi tơnêi têa. Mâu kăn Kuo#k ho#i [ă kuăn pơlê a Tây Nguyên pói tơngah Tơdroăng pơkâ ki châ tối tơbleăng mê kô mơjiâng chiâng troăng bâ phuâng tâ vâ kơpong kong ngo châ mơdêk tơmeăm khoăng ki ai hlâu, kơdo mơ-eăm mơnhông.

VOV4.Xơ Đăng - Rơnó Hơngui hiăng troh, Têt hiăng troh ƀă tơrêm rơpŏng hngêi. Ƀă mâu rơpŏng kơtiê a Kon Tum mê Tết tiô khôi hmâ dêi hdroâng mơngế hơnăm kố tơtô lĕm tâ hơnăm hdrối. Rơtế ƀă tơdroăng tơmâng tŏng kum vâ mâu rơpŏng ki lâi xuân châ ai Têt hơniâp ro, sôk suâ, rêm râ mâu khu kăn pơkuâ, mâu pơkuâ cheăng, hên rơpŏng tung kong pơlê ối ai hiâm mơno phiu ro, sôk suâ drêng châ koh tơdah Têt tung mâu hngêi trăng ki nếo, ki krá lĕm ing tơdroăng pơkâ tŏng kum dêi tơnêi têa, vâ mơnhông cheăng kâ - rêh ối ăm kơpong hdroâng kuăn ngo ƀă kong ngo hneăng hơnăm 2021 troh a hơnăm 2030 dêi Chin phuh.