Klêi tăng ngăn, lâp tung kong pơlê ai 44 rơpŏng cho kal tŏng gum, mê ai 24 toăng hngêi nếo ƀă 20 toăng hngêi ton kô ‘mâi rơnêu. Đại tá Đinh Văn Hưng, Chính ủy Khu xiâm pơkuâ ngăn Lêng kong pơlê Dak Lak ăm ‘nâi, pakĭng kơlo kơjo kum tiô pơkâ dêi tơnêi têa, mâu lêng tơplâ dêi kong pơlê mơ-eăm pơtối rak tơ’nôm liăn vâ mơdêk kô tŏng gum châ tâk 100 rơtuh liăn ƀă hngêi mơjiâng pro nếo, ƀă 50 rơtuh liăn ‘mâi rơnêu pro hgêi ton.

Tơbleăng a rôh pơxiâm pro, pôa Đào Mỹ, Phŏ Kăn hnê ngăn Vi ƀan kuăn pơlê kong pơlê Dak Lak tối nhên, kố cho tơdroăng pêi pro ai pơxúa kal kí, lĕm trâu rơdâ, mơhno tuăn pâ kơ mâu rơpŏng ai hnoăng ƀă tơnêi têa ƀă kăch măng, hlối pâ thế mâu tíu pêi cheăng ki tơdjâk troh tơrŭm ƀă krá nhên, tơniăn tơmeăm khoăng pro klêi tro tiô pơkâ, tro mơngế ƀă tro tơdroăng hiăng pơkâ.