Ki nhên, kong pơlê Lâm Đồng pơkâ pêi troh hơnăm 2030 ah kơdo mơ-eăm ai sap ing 15 troh 16 to cheăm ƀă 117 to thôn kơpong kuăn pơlê hdrông kuăn ngo, kong ngo hluăn ing tơdroăng ki xơpá. Vâ pêi châ tơdroăng kố, Lâm Đồng kô tơbleăng pêi tơdâng tơ’mô mâu troăng hơlâ mơnhông cheăng kâ rêh ối pơlê pơla, tung mê kơjo gum pro troăng klông hno têa vâ xúa tung pêt tơmeăm khoăng, tăng tơdroăng cheăng kâ krá ton ăm kuăn pơlê.

Rơtế amê, cho mơdêk ki rơkê plĕng tung hnê mơhriâm, rak ngăn ivá, hnê mâu ngế cheăng ƀă rak vế ki kơnía ‘na túa lĕm tro khôi hmâ. Pakĭng mê, kong pơlê kô tơtrŏng mơhnhôk veăng tơlo liăn sap ing pơlê pơla, mơnhông ki pro pơxúa tơdrêng, ing mê vâ rế hía rế pơhlêh tơdroăng rêh kâ ối, pro chiâng mơnhông mơdêk tơƀrê a mâu kơpong ki ối trâm hên xơpá.