A hôp tơno tơdroăng kal, kuăn pơlê Gia Lai pâ thế hên tơdroăng ki xiâm tơdjâk troh mơ’no liăn hngêi trăng troăng klông, tơniăn rêh ối pơlê pơla, tơpui ƀă pêi pro mơ-éa rêh ối cheăng kâ ƀă tơnêi têa, troăng mơhá liăn ăm kăn ƀô̆ a pơlê pơla, ngê̆ nhân ƀă mâu kâu lăk ƀô̆ ngê̆ thuât tiô khôi vâi krâ nah. Kuăn pơlê xuân tối tơmâng troh ivá pơkuâ dêi khu râ kăn râ cheăm drêng châ xoăng ăm tơ’nôm hên hnoăng.

Xông tơpui a hôp tơpui tơno tơdroăng kal, pôa Nguyễn Hồng Diên, Phŏ Kăn xiâm hnê ngăn Kuô̆k hô̆i mơnhên mâu rơkong tơpui khŏm mơ-eăm, tơtro ƀă tơdroăng nôkố dêi kuăn pơlê; tơdrêng amê tối ăm ‘nâi Chin phuh dế pơtối hriăn plĕng kơdroh pro mơ-éa rêh ối cheăng kâ ƀă tơnêi têa a râ Tơnêi têa vâ xing xoăng râ rơdêi ăm cheăm. Pôa tối rơdêi, cheăm, bêng cho râ achê kuăn pơlê má môi xua mê kal hbrâ tơpui pêi pro châ tơƀrê mâu tơdroăng ki kal dêi kuăn pơlê.