Tung roh trâm mâ Kăn xiâm pơkuâ kong têa Philippines, Ngế pro xiâm hnê ngăn tơnêi têa mơnhên Việt Nam môi tuăn Philippines pôu râng hnoăng cheăng Kăn xiâm hnê ngăn ASEAN 2026, gum pro krá tơniăn tơrŭm môi tuăn ƀă hnoăng cheăng tíu xiâm dêi ASEAN.

Tơdah pôa Hin Manet, Ngế pro xiâm hnê ngăn kong têa Kul, péa pâ môi tuăn mơdêk rĕng kêi đeăng Tơdroăng tơkêa bro ‘’Troăng tơrŭm cheăng kâ nếo tơdjêp krá tơniăn péa tơnêi têa cheăng kâ’’ troh hơnăm 2035, tơmiât pêi troh hơnăm 2050, tơdrêng amê hriăn plĕng troăng tơdjêp troăng kân ăm phêp rơxế kơtâu têi pơlê kong kân Hồ Chí Minh/Mộc Bài – Bavet/Phnom Penh.

A roh trâm mâ Pơtáu Brunei, Ngế pro xiâm hnê ngăn tơnêi têa pơkâ thế péa tơnêi têa pêi pro châ tơƀrê tơdroăng pêi pro tơrŭm Khu tơrŭm cheăng ton xŏn Việt Nam Brunei hneăng hơnăm 2023 – 2027, mơdêk tơrŭm cheăng kâ ƀă tê mơdró.