Kố cho khu tơrŭm pơlê pơla – tơdroăng cheăng apoăng tung kơvâ logistics, pơto tơmeăm ƀă mơdró a kơno têa kơxĭ dêi kong pơlê klêi kơ’nâi tơmot chiâng môi tíu pro mơ-éa rêh ối cheăng kâ tơnêi têa pơla Phú Yên ƀă Dak Lak. Khu tơrŭm pêi cheăng tiô pơkâ ki vâ xêh, pơkuâ xêh, hbrâ xêh kơxô̆ liăn, vâ tơkŭm, tŏng gum mơngế, gâk kring hnoăng ki chiâng pêi ƀă ki pơxúa luât dêi khu tê mơdró, tơdrêng amê mơdêk mơnhông logistics ƀă mơdró kơno têa kơxĭ dêi kong pơlê.

Tơdroăng mơjiâng khu tơrŭm po tung pơla kong pơlê po rơdâ tíu mơnhông ing kơpong kân rơdâ troh têa kơxĭ, pro tơ’lêi hlâu tơdjêp tíu tê, rơxế pơto tơmeăm, tê rôe tơmeăm ngi kong têa ê ƀă mơdró logistics tơdjêp tơrŭm tung kơpong. Nôkố khu tơrŭm hiăng mơhnhôk lối 50 tơrŭm cheăng, ngế krế pêi cheăng tung kơvâ logistics, hmôu pơto, rơxế pơto, tê mơdró ƀă mơjiâng tơmeăm khoăng ki veăng.