Hneăng hôp po tung pơla 2 hâi lơ 7 ƀă lơ 8/5 veăng hôp mê ai mâu klăn xiâm dêi ASEAN ƀă Kăn xiâm chêh tôm xo rơkong ASEAN. Kố cho môi tung péa hneăng hôp mâu kăn xiâm hmâ hôp rêm hơnăm ki kal má môi dêi ASEAN tung hơnăm 2026 tối tơdroăng tung lâp plâi tơnêi, tung kơpong ƀă môi tuăn mâu troăng hơlâ tơrŭm tung la ngiâ. 

A rôh hôp, mâu kong têa tơkŭm tơpui hên tơdroăng kal tơdjâk troh pơtối rak hơniâp lĕm, tơniăn kơpong, mơdêk tơrŭm cheăng kâ, pơ‘lêh kơxô̆ ƀă mơdêk hnoăng cheăng xiâm dêi ASEAN. Tơdroăng pôa Lê Minh Hưng veăng hôp tơdrêng mơhno ASEAN vá pêi ahdrối mâu tơdroăng ki pơkâ tơpui kâ dêi Việt Nam, hlối mơhno troăng hơlâ tơpui kâ, pơkuâ dêi, hên troăng, hên túa tơrŭm cheăng lâp plâi tơnêi  tiô tơdroăng hôp dêi Hneăng hôp má 14 dêi Đảng.