Tiô Khu xiâm ngăn Khoa hok ƀă Kŏng ngê̆, pơla hơnăm 2023-2026, kong pơlê tơbleăng pêi 21 tơdroăng cheăng ‘na khoa hok kŏng ngê̆ râ kong pơlê tung mâu kơvâ ‘na pêi chiâk xua kŏng ngê̆ ki dâi lĕm, uâ pơliê pro tơmeăm, pro pơkeăng ƀă pơ’lêh kơxô̆ ƀă tâi tâng kơxô̆ liăn ‘no lối 37 rơtal liăn; troh nôkố hiăng xo liăn ngân vâ pêi cheăng vâ chê 21 rơtal liăn, châ 56% tiô pơkâ.

Sap hơnăm 2021 troh nôkố, Dak Lak xuân tơbleăng 19 tơdroăng tơkêa bro ki kal ‘na kŏng ngê̆ thŏng tin ƀă tơmeăm khoăng pro pơ’lêh kơxô̆. Krê tung hơnăm 2026, kong pơlê mơhno dâng 300 rơtal liăn ăm tơdroăng tơkêa bro nếo môi tiah mơdêk kơmăi troăng hyôh mơ’no hôp tơdrêng troh râ cheăm, pơ’lêh mâu hlá mơ-éa chêh ‘măn rak ƀă kơxô̆ ƀă mơjiâng tơdroăng chêh ‘măn tung kơmăi mâu tơdroăng chêh ‘na pơkuâ cheăng, hnê mơhno, pơkâ ngăn kring tơniăn.