Dak Lak châ pơkâ sap ing kố troh tâi hơnăm, GRDP (ki kơnâ tâi tâi tơmeăm dêi kong pơlê) châ lối 152 rơpâu rơtal liăn, tâk sap ing 10,64% tơngi klêng.

Xông tơpui hnê mơhno, pôa Lương Nguyễn Minh Triết, Kăn pơkuâ hnê ngăn cheăng Đảng kong pơlê Dak Lak pơkâ pro kơtăng tơdroăng pơkâ thế rak vế pêi pro, mơdêk ki dâi lĕm chêh bro tơtêk, mơdêk pơhlêh pơkuâ liăn ngân, kơdroh hâi khế tơpui ƀă pêi pro mơ-éa, ki má lối cho kơvâ tơnêi tơníu; tơdrêng amê pơkâ mơjiâng tơdrêng ‘’khu pêi cheăng ki kal’’ tăng ƀăng tơnêi.

Pôa Đỗ Hữu Huy, Kăn hnê ngăn Vi ƀan kong pơlê Dak Lak tối ăm ‘nâi, kong pơlê hiăng pêi pro hên troăng tŏng gum mơ’no liăn cheăng, rơtế amê mâu tíu kreăng ‘na mơ’no liăn cheăng tơnêi têa, tăng ƀăng tơnêi ƀă pro mơ-éa tơnêi tơníu kal tơkŭm tah lôi pá puât kơtăng.