Kơpong pêi cheăng kâ peăng Hdroh Phú Yên châ tối cho xiâm ki mơnhông cheăng kâ peăng mâ hâi Lo dêi kong pơlê Dak Lak, ƀă troăng vâ mơnhông cheăng ‘na kơmăi kơmok ki kân, logistic ƀă kơpong têa kơxĭ. Ki xiâm nôkố cho péa tơdroăng tơkêa bro ki kân xua Group Hòa Phát ‘no liăn, mê Kơpong hngêi kơmăi Hòa Tâm (vâ chê 492 ha, liăn mơjiâng pro tơmeăm khoăng lối 4.188 rơ tal liăn) ƀă Kơno tuk Bãi Gốc (lối 306 ha, liăn ‘no mơjiâng pro 16.300 rơtal liăn, ivá pêi cheăng vê hdró pro 26,7 rơtuh tâ̆n tung/hơnăm).

Kố cho mâu tơdroăng tơkêa bro ai tơmiât tơbleăng lâp lu, pơkâ khŏm châ tơ’mot khu ‘no liăn mơjiâng pro ƀă mơjiâng kơpong hngêi kơmăi - mơdró kâ kĭng têa kơxĭ. Laga, mâu tơdroăng tơkêa bro ai hên tíu ki pá môi tiah ôh tá tŭm tơmeăm mơjiâng pro vâ ok kơđu ăm tơbăng, tơvâ ‘na pro hlá mơ-éa tơnêi tíu, ‘na pro on tơhrik, la ta hâi teăm châ pêi tơdâng ƀă hlối hrá mơhno tíu pro pơlê nếo. Kố xuân cho mâu tơdroăng ki kal kong pơlê dế tơmâng lêi tah tung rôh pêi ôh tá pơtê vâ rĕng kêi drêng kố.