Kô cho rôh lăm pôu ki apoăng dêi Kăn xiâm pơkuâ hnê ngăn Đảng, Kăn xiâm hnê ngăn tơnêi têa Việt Nam troh a Sri Lanka, ai pơxúa kal khât tung tơrŭm pơla péa tơnêi têa. Hneăng lăm pôu mơhno Việt Nam đi đo ngăn nhoăm tơrŭm cheăng tiah hmâ ing nah ƀă Sri Lanka, hlối po troăng pro rôh vâ mơdêk tơrŭm pơla péa pâ tung hên tơdroăng cheăng tung la ngiâ.

Tơdrêng ƀă hneăng lăm pôu Ấn Độ, tơdroăng cheăng tơpui kâ rôh kố pơtối mơhno ki mơ-eăm dêi Việt Nam tung tơdroăng mơdêk tơrŭm cheăng ƀă kơpong ‘na Hdroh châu Á, veăng ‘no hnoăng mơdêk hơniâp lĕm, tơniăn, tơrŭm hlối mơnhông a kơpong, xua vâ pro pơxúa ăm kuăn pơlê mâu kong têa.