Hâi lơ 7/5, a bêng Buôn Ma Thuột, kong pơlê Dak Lak, Khu hnê mơhnhôk cheăng kal kí  ƀă mơhnhôk cheăng Tíu xiâm tơrŭm ƀă Khu xiâm Kŏng an, Khu xiâm ngăn kuăn ngo ƀă Loi tĭng tiô khôp rơtế ƀă khu kăn Đảng kong pơlê Dak Lak tơkŭm po hôp hnê tối pêi kơtăng, tơbleăng mâu tơdroăng chêh tung hlá mơ-éa dêi Khu kăn hnê ngăn Đảng ‘na tơdroăng cheăng hnê tơdroăng kuăn ngo, loi tĭng tiô khôp tung mâu hơnăm la ngiâ.

Hôp tơpui mâu tơdroăng vâ hlê plĕng, ‘nâi hnoăng cheăng pêi dêi râ ủi, khu tơrŭm cheăng tung Đảng tung mâu kăn pơkuâ, pêi pro tơdroăng cheăng ‘na kuăn ngo, loi tĭng tiô khôp rơtế ƀă mơnhông cheăng kâ - pơlê pơla, tơniăn cheăng lêng, kring tơniăn ƀă rak tơniăn kal kí. Tơbleăng hnê mơhno, pôa Phạm Tất Thắng, Ngế cheăng tung tíu xiâm Đảng, Phŏ ngế pơkuâ khu kăn cheăng kal kí ƀă hnê mơhnhôk Tíu xiâm tối nhên, tơdroăng ‘na kuăn ngo, loi tĭng tiô khôp cho tơdroăng pêi pro, ton ta ah, veăng mơdêk ‘mâi mơnhông tơrŭm môi tuăn tâi tâng hdroâng mơngế.

Rêm râ, kơvâ cheăng kal rĕng pêi nhên chiâng tơdroăng pêi ki ai pơxúa, pơtối rak hnoăng cheăng dêi ngế kuăn pơlê nhoăm, mâu ƀok mâu ngế pơkuâ ngăn ‘na tơdroăng khôp tung tơdroăng hnê mơhnhôk kuăn pơlê rak vế pêi pro tơdroăng lĕm tro.