Tung rôh kong tôu mơdrăng khăng khoăng, hên klôh têa, long têa a cheăm Ia Nan, kong pơlê kong pơlê Gia Lai hiăng xiâ troh a kơdó, pro lối hrĭng rơpŏng kuăn pơlê ôh tá ai têa ôu kâ hum roh jiếo. Hlo tơdroăng kố, Khu ngăn ‘na cheăng kâ – Cheăng lêng 72 (Ƀinh đoân 15) hiăng teăm tŏng gum chơ pơtroh têa ukố umê, gum kuăn pơlê a cheăm Ia Nan tơkâ luâ xơpá. Ia Nan cho cheăm tơkăng kong, tíu ki rêh ối hên dêi kuăn ngo Jarai, tơdroăng rêh kâ ối trâm hên xơpá; krê pơlê Sơn ai 115 rơpŏng nhăng ôh tá ai têa ôu kâ hum roh ton tung pơla rơnó tôu mơdrăng.

Mâu hâi hdrối nah, tíu pêi cheăng rak vế pơtroh sap ing 3 troh 4 rôh chơ kơthung têa rêm hâi, dâng 30 troh 40 met khô̆i têa ôu kâ hum roh ăm kuăn pơlê mê ối mơhno nhên hnoăng cheăng pôu râng dêi khu mố đô̆i tung tŏng gum ăm cheăm ki ai tíu pêi cheăng, thăm mơnhông tơrŭm pơla lêng – kuăn pơlê, malối cho a kơpong tơkăng kong ki ối trâm hên xơpá.