A rôh lăm pôu, hbru tơmeăm; Đăi tươ̆ng Nguyễn Trọng Nghĩa khĕn kơdeăn mâu tơdroăng hiăng pêi pro dêi kong pơlê Khánh Hòa tung tơdroăng pơtối mơhnhôk tăng hên liăn tơmâng kum ăm rơpŏng  hngêi kơtiê, mơngế ai hnoăng ƀă kăch măng, veăng tơbleăng tơdroăng pêi pro lĕm ing nah “Ai tơdroăng niân tiah hâi kố kơnôm  ai hnoăng vâi krâ nah”; pâ thế Đảng ƀô̆, mâu kăn kong pơlê Khánh Hòa pơtối mơ-eăm pơ’lêh nếo hlối mơdêk pêi tơbrê luât pơkâ tŏng gum ăm mơngế ai hnoăng, ngăn mê cho tơdroăng cheăng pêi đi đo dêi tâi tâng khu cheăng kal kí.

Pakĭng mê, vâ mâu rơpŏng pơtối mơ-eăm tơkâ luâ xơpá, pơtối rak tơdroăng ton nah dêi kăch măng, tuăn vâ tơrŭm, kơhnâ pêi cheăng vâ chôa lâng tơniăn hlối mơnhông tung rêh ối. Rôh kố, Đăi tươ̆ng Nguyễn Trọng Nghĩa ƀă mâu kăn dêi Tíu xiâm hiăng diâp ăm 300 kơxu tơmeăm ăm mâu ngế ai hnoăng ƀă kăch măng ƀă mâu kong nhân ki kơtiê xơpá.