Nhoăm diâp Pơkâ rah xo Kăn teăng mâ Việt Nam a Ấn Độ, hlối pêi cheăng a Kong hoa Yân chuh Liên bang Nepal ƀă kong têa Bhutan, Kăn teăng mâ Việt Nam a kong têa Bỉ, hnối pêi cheăng a Đại Công quốc Luxembourg ƀă teăng mâ Việt Nam pakĭng Khu tơrŭm châu Âu, Kăn teăng Việt Nam a kong têa Swiss, hlối pêi cheăng a Công quốc Liechtenstein; Kăn teăng mâ Việt Nam a Cộng hoà Dân chủ Nhân dân Triều Tiên ƀă Kăn teăng mâ Việt Nam a Cộng hoà Kazakhstan, hlối pêi cheăng a Cộng hoà Kyrgyzstan, Cộng hoà Tajikistan ƀă Georgia troh pôu 5 ngế, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối, kố cho hâk tơngăm la xuân cho tơdroăng cheăng hngăm hngo kăn kĭn ƀă mâu Kăn teăng mâ, xua mâu kăn mê ôh ti xê to teăng mâ ăm Tơnêi têa mê ối cho um méa dêi tơnêi têa, dêi hdroâng mơngế ƀă thế tơbleăng pêi tro tiô troăng hơlâ tơpui kâ dêi Đảng pin veăng ‘no hnoăng mơjiâng ƀă kring vế Tơnêi têa ing apoăng, ing hơngế.

Pôa Tô Lâm pơkâ thế, mâu kăn teăng mâ thế hlê nhên hnoăng cheăng pêi tơná, pơtối rak tuăn rơkê hiâm mơno chân krá, ‘nâi hnoăng cheăng tơná pêi, veăng mơnhông tơdroăng tơrŭm cheăng dêi Việt Nam ƀă mâu kong têa ê trâu rơdâ tâ, tơniăn, krá hlối ai pơxúa.