Ngế pro xiâm hnê ngăn tơnêi têa mơnhên tối khât tơdroăng mơ-eăm ƀă mâu tơdroăng ki pêi pro tơƀrê dêi Khu xiâm ngăn túa lĕm tro Tơ’noăng Ivá ƀă Ôm hyô tung pêi pro tơdroăng, túa pơkâ pêi dêi hnoăng cheăng ƀă mâu tơdroăng cheăng châ pơcháu; malối cho hbrâ rơnáu tí tăng ‘nâi plĕng, pơtroh, pêi pro kơtăng Pơkâ kơxô̆ 80 dêi Khu xiâm ngăn cheăng kal kí ƀă pơtroh ăm hneăng hôp má môi Kuô̆k hô̆i hneăng XVI pơkâ ‘na mơnhông túa lĕm tro.

Tung la ngiâ ah, Ngế pro xiâm hnê ngăn tơnêi têa tối tiah kố kal ngăn nhuô̆m mơjiâng Đảng ƀô̆ krúa, krá rơdêi tŭm têk; mơdêk hnoăng cheăng dêi ngế ối ako mâu tíu pêi cheăng. Ngế pro xiâm hnê ngăn tơnêi têa xuân pơkâ thế khŏm mơ-eăm tơbleăng tơdroăng pơkâ pêi dêi tơnêi têa ‘na túa lĕm tro, pêi pro kơtăng tơdroăng pơkâ pêi, mâu ngế ki châ pơxúa. Pro ivá mơnhông tung mơdêk tơ’noăng ivá, ‘no liăn pêi cheăng ki kal, ki xiâm. Vêh pơkâ, mơdêk ki rơkê ƀă ivá tơxup tơbriât, ăm ôm hyô chiâng kơvâ cheăng pêi lo liăn hên.