Drêng troh tơbâ Xối pơtau Hùng, pơtê leh lơ 30/4 ƀă lơ 1/5 ƀă cho rôh hên ngế pơtê rơdnó mơdrăng 2026, kơxô̆ tơmối lăm hyô tiô khu ƀă tơ mối lăm ôm hyô tiô kô on veăng rơpŏng hngêi lăm troh a Lâm Đồng tói tâk hên ó. â tơdah hên mơngế troh, pakĭng mâu tơdroăng mơhnhôk mơngế ôm hyô, hên mâu tíu  koi pơtê kâ ôu  ƀă mâu tíu lăm hyô ngăn mơdêk tơmeăm ki  tê mơdró ‘na ôm hyôp, tơniăn lĕm tơbrê vâ pơ xúa pơla ai hên rôh jâ Nguyễn Thị Mai Trâm, Kăn xiâm pơkuâ Muine Bay Resort (Phan Thiết) ăm ‘nâi, tíu pêi cheăng kố hianưg tơbleăng mâu tơmeăm ki nếo:

 “Têa kơxĭ cho dế a rơnó ki lĕm má môi. A Hòn Lao, tơmối troh akố kô châ ngăn to plong chá toi priêt prôk tơdrăng troh a chuăn vâ mui ngăn san hô mâu nhâ tung têa kơxĭ ‘nâ hía vo plong SUP. Tíu ki ai chêm, ai kôa bông kơneăng pro pâu mê tơmối troh  a kố kô châ hlo ngăn ƀă  mâ, hlối châ xah mui têa  ngăn mâu ká klê ƀă ngăn mâu nhâ tung têa kơ xĭ”.

Jâ Đinh Ngọc Khánh Vy, Bô rô cheăng tê mơdró TTC World- Thung lũng Tình yêu (Đà Lạt) tối mâu tơdroăng, sap apoăng hơnăm 2026, tíu pêi cheăng hiăng xúa pro 2 tơmeăm ki nếo mê pro troăng plo ai nhâ ƀă troăng pơlo ƀă phao khô plo ƀă plong chá. mâu tơmeăm mơjiâng pro mê tơdjêp ƀă kông pro a ‘ngêi ƀă nhếng tơdjêp troh a ngo Mộng Mơ ƀă Thung Lũng Tình yêu, pro  ăm tơmối ki troh ngăn châ hlo ‘nâi tâ ki lĕm tơviah:

 “Tung rôh leh lơ 30/4 ƀă lơ 1/5, ngin tơngah kô tơdah dâng 25.000 hdroh tơmối, tiô tối hdrối kô tâk 123% tâng vâ pơchông ƀă hơnăm nah. Ngin loi khât xua tung pơla po leh la ngiâ kô mơhno tơbleăng hên mâu tơmeăm ki pơ xúa ‘măn krê ăm tơmối hơnăm ối nếo, rơ pŏng hngêi ƀă mâu vâi hdrêng”.

Kơvâ ôm hyô kong pơlê Lâm Đồng mơdêk tour pro troăng prôk chêng ƀă tour djêp tơrŭm ƀă kơpong tung pơla  tơraih tơƀai dế pơtân klĭng péa vâ ‘mâi pro lĕm tâ. Tơdrêng amê, kong pơlê mơdêk tơbleăng tiô tơdroăng ‘na kơxô̆ hlối pro lơ gât ôm hyô vâ châ tơ’mot tomói châ ‘nâi âu tơdroăng.

Tiô pôa Nguyễn Văn Hùng, phŏ Kăn xiâm hnê ngăn Khu ngăn Ôm hyô kong pơlê Lâm Đồng, kong pơlê kô tơkŭm po hên tơdroăng ki kal môi tiah: Khế ôm hyô, Festival Reăng. Krê ƀă tơmối lâp plâi tơnêi troh Đà Lạt, mâu tíu ôm hyô kô tơkŭm po tơdah ing tơriah tơbai Cam Ranh:

 “Pơla hdrối kô nah, a rôh hôp ‘na mơngế  khu lăm ôm hyô pú hên ƀă veăng ai mâu kong pơlê, tâi tâng xuân môi tuăn ôm hyô Lâm Đồng ƀă pơlê kong kơdrâm Đà Lạt (ton). Teăng prôk rĕng ƀă troăng to tơƀai môi tiah hdrối nah, mê nôkố tơmối kô châ ngăn kong kế drêng to rơxế kơtâu a troăng kân tơdrăng lĕm lơ mâu troăng ngiêt lĕm. Ngin hiăng mơhno ăm mâu tíu tot pơtê tơdah, pro tíu  xiâm vâ pơxiâm lăm hyô ngăn dêi tơmối vâ pô tá ni”.

Ki hbrâ rơnáu mê châ mơ jiâng ing môi tơdroăng pêi cheăng tâk krá. Pái khế apoăng hơnăm 2026, ôm hyô Lâm Đồng tơdah dâng 6 rơtuh ngế tơmối, tâk lối 20% tâng vâ pơchông ƀă hơnăm nah. Ki vâ tối, tơmối lâp plâi tơnêi pơtối pêi pro hiăng ‘no hnoăng veăng mơnhông dêi kơpong  mơdró - ôm hyô kong pơlê.

Ki tơ xâng vâ tối, klêi tơ’mot tơdjuôm, kong pơlê Lâm Đồng ai tíu kong kên hên loăng kong, châ pơ xá cho “Tíu lĕm ro ôm hyôu” tơkŭm tŭm “ ngo xŏn- long rơdâ- têa kơxĭ ngiêt- chuăn lĕm”, vâ  châ tơ’mot hên tơmối tung tơnêi têa ƀă kong têa ê troh. Pôa Đinh Văn Tuấn, Phŏ kăn hnê ngăn Vi ƀan kuăn pơlê kong pơlê Lâm Đồng tối nhên:

 “Kong pơlê Lâm Đồng ai hên tơmeăm ƀă túa lĕm tro, tởhâ cho tiu ki va ảtoh ki nếo lĕm rơngiâp ăm tơmối tung tơnêi têa. Tơdroăng tơ raih tơ ƀai Liên Khương pơtân klĭng péa ‘mâi rơnêu cho môi tơdroăng ki pá ôh tá mơhúa, la pin hiăng pê klêi pro tơdroăng pơloăng mơnúa mê chiâng rôh ki kân. Kố cho rôh vâ tơbleăng mâu troăng prôk ki nếo, djâ ăm tơmối hlo ‘nâi ki tơviah ‘na ôm hyô ngñ mâu tíu kân rơdâ dêi lâm Đồng”.

Ƀă mâu tơdrăng ki lĕm tơdjêp ƀă tơdroăng tăng ngăn vâ ‘nâi ti lâi ing kong ngo troh têa kơxĭ, kơvâ ôm hyô Lâm Đồng tơngah a môi rơnó ôm hyô cho rôh Xối tơbâ pơtau Hùng, drêng troh tơbâ hâi leh lơ 30/4 troh lơ 1/5, rơnó mơdrăng 2026  kơdrâ ƀă hơniâp ro.