A roh trâm mâ kuăn pơlê, pôa Lê Minh Hưng, Ngế pro xiâm hnê ngăn tơnêi têa tối ăm ‘nâi châ kuăn Pơlê kong kân Hải Phòng loi tơngah, tơxâng pơcháu cheăng, rah xo kăn teăng mâ Kuô̆k hô̆i cho tơdroăng ki hâk kân ƀă krê Ngế pro xiâm hnê ngăn tơnêi têa ƀă mâu Kăn teăng mâ Kuô̆k hô̆i. Ngế pro xiâm hnê ngăn tơnêi têa tối, Hneăng hôp má môi Kuô̆k hô̆i Hneăng má XVI ai kơnâ kal khât, mot tung hneăng nếo, pơkâ tơdroăng la ngiâ mơnhông tơnêi têa, kong pơlê, tung mê ai pơlê kong kân Hải Phòng.

Ƀă hnoăng cheăng cho ngế ối a ko Chin phuh ƀă Kăn teăng mâ Kuô̆k hô̆i dêi Pơlê kong kân Hải Phòng, Ngế pro xiâm hnê ngăn tơnêi têa tối rơdêi kô rơtế Đảng ƀô̆, khu râ kăn pơkuâ ƀă Kuăn pơlê kong kân; rơtế ƀă khu pú hên Chin phuh khŏm mơ-eăm tơkŭm po ƀlêi trâng kân mâu pơkâ mơnhông dêi tơnêi têa, tung mê, ai mâu pơkâ, hnoăng cheăng ƀă pói vâ mơnhông dêi Pơlê kong kân Hải Phòng.