A kơpong Kuân khu 7 ai Pơlê kong kân Hồ Chí Minh, Đồng Nai, Lâm Đồng ƀă Tây Ninh. Tung rôh pêi cheăng thâ 500 hâi măng, Kuân khu châ pơcháu tăng tơkŭm 900 to kơxêng kiâ mố đô̆i tung hneăng má 1 ƀă 1.500 to kơxêng kiâ mố đô̆i tung tâi tâng rôh tăng rôu tơkŭm. Troh nôkố, tâi tâng Kuân khu hiăng tơkŭm châ lối 1.600 to kơxêng kiâ mố đô̆i.

Tung cheăng mơnhên inâi kiâ mố đô̆i, Kuân khu hiăng rôu, xo 30.650 túa kii ai tŭm tơdroăng vâ séa ngăn ADN. Lâm Đồng cho kong pơlê ki rĕng pêi klêi má môi, a hâi lơ 12/8. Kuân khu hiăng tối tơbleăng a 58 to ilâng kiâ mố đô̆i, pro tíu ki vâ chêh ‘măn mâu tơdroăng kal xúa tung rak ngăn ƀă mơnhên mâu inâi kơxêng kiâ mố đô̆i. Nôkố khu dế pơtối mơnhên tơdroăng ƀă pêi pro hnoăng cheăng tí tăng kơxêng kiâ mố đô̆i.