Peá toăng hngêi ai tâi tâng kơxô̆ liăn pro 5 rơtal liăn xua Khu xiâm pơkuâ ngăn lêng tŏng kum, vâ ai hngêi ăm kuăn pơlê tơkŭm hôp, thăm tơrŭm pơla khu lêng – kuăn pơlê ƀă veăng kum rak vế khôi túa lĕm tro hdroâng kuăn ngo.

Khu xiâm pơkuâ ngăn lêng kong pơlê Dak Lak châ pơcháu pro ngế ki 'no liăn pro, tơrŭm ƀă khu râ kăn pơkuâ hnê ngăn cheăng Đảng, khu râ kăn pơkuâ tơbleăng mơjiâng pro. Tung mê, hngêi hôp tơdjuôm ƀuôn Kđoh châ mơjiâng pro tiô túa hngêi trá xŏn dêi hdroâng Rơđế, ƀăng tơnêi 150 met karê; pro a thôn 12, cheăm Ia Rvê ai ƀăng tơnêi 180 met karê, châ mơjiâng pro tiô túa hngêi hôp kân dêi kuăn pơlê.

Mâu tơmeăm khoăng kô cho tíu kuăn pơlê trâm mâ, tơpui tơno túa pêi cheăng kâ, tơkŭm po tơdroăng mơhno túa lĕm tro, hơdruê xuăng, tơ'noăng ivá. Rôh kố, mâu tíu pêi cheăng diâp kơxuô tơmeăm ăm kuăn pơlê, rơpŏng ai hnoăng tơnêi têa ƀă rơpŏng ai tơdroăng rêh ối pá puât tung pơlê.