Tiô riân, tung 5 hơnăm sap ing 2021 troh 2025, kong prâi pro ôh tá tơniăn pro 1.455 ngế hlâ ƀă hía, pro lŭp lối 230 rơpâu rơtal liăn; krê hơnăm 2025, lŭp lối 100 rơpâu rơtal liăn. Tơdroăng tơkêa bro pơkâ pêi hneăng hơnăm 2026-2030 tơkŭm tung mâu troăng hơlâ hbrâ ví kong mêi khía mơhot têa kân lân lu, tơnêi tơhnah tơhnâp, têa rơlêa, kong tô mơdrăng khăng khoăng ƀă têa xăng po lân mot.

Mơgêi rôh hôp, pôa Hồ Quốc Dũng, Phŏ Ngế pro xiâm hnê ngăn tơnêi têa pơkâ thế rĕng tơbleăng pơkâ ƀă mâu hnoăng cheăng, troăng hơlâ pêi pro nhên, ai tơdroăng ki tơƀrê, ai kơnâ tơnêi têa, rak tơniăn tơdroăng tơrŭm cheăng pơla kơvâ cheăng, pơla kơpong ƀă pơla kong pơlê. Pơkâ thế mơnhên hnoăng cheăng dêi Tíu xiâm ƀă kong pơlê; 'nâi nhên mâu tơdroăng kong prâi pro ôh tá tơniăn tiô kơ rêm kơpong; tơkŭm hbrâ, ví kong prâi pro ôh tá tơniăn tung pơkâ, pơkâ pêi ƀă mâu tơdroăng tơkêa bro, tơmeăm khoăng.