A hneăng hôp, mâu kăn tơkŭm tơmâng tơbleăng tối tơbleăng, tơpui tơno ƀă veăng hnê tối tung mâu tơdroăng ki kân, mê cho: Tơbleăng tơdroăng pêi cheăng pơla péa Hneăng hôp; Tơbleăng tơdroăng tơbleăng pêi pro 02 tơdroăng tơkêa bro (Tối mơgêi 100 hơnăm Đảng pơkuâ kăch măng Việt Nam hneăng hơnăm 1930 - 2030, troăng hơlâ pơkuâ mơnhông tơnêi têa tung 100 hơnăm pơtối sap ing hơnăm 2030 troh hơnăm 2130, ƀă Mơgêi 40 hơnăm pêi pro Tơdroăng pơkâ mơjiâng tơnêi têa tung hneăng ki pơhlêh troh chuh ngiah xah hô̆i).

Tơbleăng hnê tối 'na tơdroăng rêh ối mơnhông mơdêk Việt Nam; Pơkâ tơkŭm po Hneăng hôp tơdroăng tơpui leăng lâp tơnêi têa rôh má môi ƀă Tơdroăng tơkêa bro mơjiâng ƀă mơnhông mơdêk khu hriăn plĕng khoa hok tơpui leăng  tơdroăng  kal kí lâp tơnêi têa tung chal nếo. Hneăng hôp tối nhên, mâu tơdroăng tơkêa bro mơgêi cho hnoăng cheăng kal kí, khoa hok ki má môi ai pơxúa ton xŏn, kal thế châ tơbleăng tơdâng tơ'mô, tro tiô pơkâ, rak tơniăn ki dâi lĕm, pro xiâm lĭ luâ̆n ƀă tơdroăng ki ai khât ăm tơdroăng ki 'mot tơ'nôm, mơnhông troăng hơlâ dêi Đảng.