Tiô tối tơbleăng, tơtêk cheăng kâ 9 khế dêi kong pơlê châ 8,22%, tá hâi châ tơdroăng pơkâ mơ'no. Tung rơnó má IV tung hơnăm, kơvâ mơjiâng pro thế tơtêk 70,27%, kơmăi kơmok tơtêk 25,24% vâ 'mâi rơnêu ki ôh tá tro. Kong pơlê pơcháu ăm pôa Trương Công Thái, Phŏ Kăn hnê ngăn Vi ƀan kong pơlê pôu râng hnoăng cheăng 'na tơdroăng pơkâ kơxô liăn 'no cheăng tung lâp pơlê pơla 34.586 rơtal liăn, xo hnoăng liăn ngân 7.254 rơtal liăn; pôa Đào Mỹ, Phŏ Kăn hnê ngăn Vi ƀan kong pơlê pôu râng mâu tơdroăng pơkâ kơmăi kơmok, tê ngi kong têa ê châ kơxô̆ liăn 765 rơtuh dollars ƀă tơdah 1,66 rơtuh roh tơmối ôm hyô.

Ƀă râ cheăm, bêng, KPI tơkŭm tung xo, mơ'no liăn ngân, mơ'no liăn cheăng ƀă tơdroăng châ tơƀrê mơnhông cheăng kâ ki khât. Kăn hnê ngăn Vi ƀan kong pơlê Đỗ Hữu Huy pơkâ kơxô̆ pơkâ tơrêm tơdroăng, mơnhên nhên ngế pơkuâ, hnoăng cheăng, tơmeăm khoăng ƀă hâi khế pêi klêi, tơdrêng amê hlối tơ'nôm tơdroăng pêi rêm khế vâ teăm tŏng kum mâu tơdroăng xơpá.