Tơdroăng châ hlo péa kơxêng kiâ mố đô̆i a kơpong kố ăm hlo tơdroăng tăng hlo ối kal pơtối châ mơdêk, xua hên kơxêng kiâ mố đô̆i tá hâi châ mơnhên, hâi tơkŭm. Kố cho 2 kơxêng kiâ mố đô̆i ki pơtối châ hlo kơnôm ing tơdroăng pơtâng tối ing kuăn pơlê.

Ing mê, kum Đô̆i K51, Khu xiâm pơkuâ ngăn lêng kong pơlê Dak Lak tăng, tơkŭm châ tâi tâng 47 kơxêng kiâ mố đô̆i a Dak Lak ƀă kong pơlê Mondulkiri, kong têa Kul tung rôh lăm tăng 500 hâi măng mơdêk tăng, tơkŭm ƀă mơnhên inâi kơxêng kiâ mố đô̆i.