Ƀaoh hiêm khăm pơlât cho troăng hơlâ luât ƀaoh hiêm dêi Đảng ƀă Tơnêi têa, xua hnoăng ki pơxúa dêi mơngế pêi cheăng ƀă Kuăn pơlê, châ Tơnêi têa kring vế, xua kơ koan Ƀaoh hiêm xah hô̆i pêi pro.

-Khu veăng tơlo liăn rôe ƀaoh hiêm khăm pơlât mê cho:

-Mâu ngế ối tung rơpŏng hngêi veăng rôe ƀaoh hiêm khăm pơlât tiô túa rơpŏng hngêi;

-Mơngế ki rêh ối ƀă pêi cheăng, mơngế ki châ păn roăng, rak ngăn tung mâu khu tơrŭm cheăng, tíu pêi cheăng tŏng gum, loi tĭng tiô khôp;

 -Mâu ngế pêi cheăng tung pơla pơtê ôh tá kâ liăn khế lơ pơtê pơtân tơdroăng tơhrâ pêi cheăng;

 - Ngế ki ôh tá ối tung mâu tơdroăng pơkâ ki tối a kơpêng.

          -Tung mê, rơpŏng hngêi veăng rôe ƀaoh hiêm khăm pơlât cho mâu ngế ki rơtế chêh inâi tíu rêh ối lơ rơtế chêh inâi ối pơtân a môi tíu ối tro tiô pơkâ dêi luât 'na lăm rêh ối.

-Kơlo nâp ƀaoh hiêm khăm pơlât rơpŏng hngêi ăm mâu ngế môi tiah kơ'nâi kố: ngế má môi nâp tơ‘mô ƀă 4,5% kơlo liăn khế pơkâ ki iâ má môi; ngế má péa, má pái, má pŭn nâp tiô kơlo 70%, 60%, 50% kơlo nâp dêi ngế má môi; sap ing ngế má pŭn tơngi klêng nâp tơ‘mô ƀă 40% kơlo nâp dêi ngế má môi.

-Malối rơpŏng hngêi vâ chê kơtiê châ tŏng gum 100% kơlo liăn nâp baoh hiêm khăm pơlât, tung mê: liăn ngân Tơnêi têa tŏng gum 70%, liăn ngân kong pơlê Dak Lak tŏng gum 30%;

-Hngêi rơpŏng pêi chiâk, pêt kong, tơnăng ká, pro po ai kơlo rêh ối tơdâng châ tŏng gum 60%, tung mê: liăn ngân Tơnêi têa tŏng gum 30%, liăn ngân kong pơlê Dak Lak tŏng gum 30%.

-Mơngế hdroâng kuăn ngo dế rêh ối a mâu cheăm hiăng châ ‘nâi nhên ôh tá ối tung kơpong ki ai tơdroăng cheăng kâ - rêh ối pơlê pơla pá puât, malối pá puât tiô pơkâ dêi Chin phuh châ tŏng gum 85%, tung mê: liăn ngân Tơnêi têa tŏng gum 70%, liăn ngân kong pơlê Dak Lak tŏng gum 15% (hâi khế tŏng gum cho 36 khế sap ing hâi cheăm tíu ngế ki mê dế rêh ối ôh tá ối tung kơpong ki ai tơdroăng cheăng kâ - rêh ối pơlê pơla pá puât, malối pá puât tiô pơkâ dêi Chin phuh).

 -Gum kơlo nâp ƀaoh hiêm khăm pơlât ăm mâu ngế cho khu ki veăng kring vế tơniăn, rak tơniăn a pơlê cheăm tiô pơkâ chêh a điểm  b tơdroăng 2 Troăng 4 Pơkâ kơxô̆ 04/2024/NQ-HĐND hâi lơ 20/6/2024 dêi Hô̆i đong hnê ngăn kong pơlê Dak Lak: 60% kơlo ki hên nâp ƀaoh hiêm khăm pơlât dêi khu ki veăng nâp ƀaoh hiêm khăm pơlât tiô pơkâ chêh a điểm i tơdroăng 1 Troăng 13 Luât ƀaoh hiêm khăm pơlât kơxô̆ 25/2008/QH12 (châ 'mâi rơnêu,  tơ'nôm hơnăm 2014).

-Veăng rôe ƀaoh hiêm khăm pơlât rơpŏng hngêi, ngế ki mê kô châ xúa mâu tơdroăng ki pơxúa kơ'nâi kố:

-Châ kơdroh kơxô̆ liăn nâp ăm mâu ngế tung rơpŏng hngêi rơtế veăng rôe ƀaoh hiêm khăm pơlât.

-Châ ăm theh ƀaoh hiêm khăm pơlât điê̆n tưh.

-Châ mơhá liăn khăm pơlât, pơlât tung kơvâ tro hnoăng ƀă kơlo ki châ xúa pơkâ a theh ƀaoh hiêm khăm pơlât.

-Châ rah xo ƀă hơ'lêh tíu chêh inâi khăm pơlât apoăng tung 15 hâi apoăng rơnó.

-Châ kơ koan Ƀaoh hiêm pơlê pơla, tíu khăm pơlât ƀă ƀaoh hiêm khăm pơlât ƀă kơ koan ki ai tơdjâk tối nhên, tối ăm ‘nâi ‘na tơdroăng tong gum drêng khăm ƀă ƀaoh hiêm khăm pơlât.

-Châ xăm phoăng, xăm tơkêng tơdroăng pro ki xôi luât 'na ƀaoh hiêm khăm pơlât.

-Veăng rôe ƀaoh hiêm khăm pơlât ăm rơpŏng hngêi vâ rak vế ivá ăm mâu ngế tung rơpŏng hngêi.

-Tâng kal vâ 'nâi tơ'nôm tơ’droăng, thế tối tơdrêng ƀă Ƀaoh hiêm pơlê pơla kong pơlê Dak Lak lơ Ƀaoh hiêm pơlê pơla a tíu pêi cheăng, mâu khu tơrŭm cheăng ki châ pơcháu hnoăng xo liăn rôe Ƀaoh hiêm pơlê pơla, Ƀaoh hiêm khăm pơlât tung kong pơlê vâ châ hnê tối, hnê mơhno ƀă tơleăng.

-Kơxô̆ phôn tiâ mơnhên, tŏng gum dêi Ƀaoh hiêm xah hô̆i kong pơlê Dak Lak: 0262 222 9799.

Kơxô̆ phôn dêi Ƀaoh hiêm xah hô̆i kong pơlê ƀă Ƀaoh hiêm xah hô̆i  mâu tíu pêi cheăng

Kơxô̆ phôn tiâ mơnhên, tŏng gum dêi Ƀaoh hiêm xah hô̆i kong pơlê Dak Lak: 0262 2229799

01. Ƀaoh hiêm pơlê pơla a cheăm Lak - 0262.3586214

02.Ƀaoh hiêm pơlê pơla a cheăm Krông Pắc - 0262.3528049

03.Ƀaoh hiêm pơlê pơla a cheăm Krông Bông - 0262.3732259

04.Ƀaoh hiêm pơlê pơla a cheăm Cư M'gar - 0262.3834198

05.Ƀaoh hiêm pơlê pơla a cheăm Buôn Đôn - 0262.3789478

06.Ƀaoh hiêm pơlê pơla a cheăm Ea Súp - 0262.3688174

07.Ƀaoh hiêm pơlê pơla a cheăm Krông Năng - 0262.3675479

08.Ƀaoh hiêm pơlê pơla a cheăm Ea H'Leo - 0262.3777309

09.Ƀaoh hiêm pơlê pơla a cheăm Cư Kuin - 0262.3633939

10.Ƀaoh hiêm pơlê pơla a cheăm Ea Kar - 0262.3626703

11.Ƀaoh hiêm pơlê pơla a cheăm M’Drắk - 0262.3731396

12.Ƀaoh hiêm pơlê pơla a cheăm Tuy Hòa - 0257.3843936

13.Ƀaoh hiêm pơlê pơla a cheăm Sông Cầu - 0257.3692125

14.Ƀaoh hiêm pơlê pơla a cheăm Tuy An - 0257.3778789

15.Ƀaoh hiêm pơlê pơla a cheăm Phú Hòa - 0257.3881179

16.Ƀaoh hiêm pơlê pơla a cheăm Sông Hinh - 0257.3858259

17.Ƀaoh hiêm pơlê pơla a cheăm Sơn Hòa - 0257.3861630