Tơpui tơno 'na tơrŭm cheăng pơla péa pâ, péa ngế kăn xiâm pơkuâ tối ăm 'nâi klêi kơ'nâi 55 hơnăm mơjiâng tơrŭm cheăng tơpui kâ, tơrŭm nhŏng o ƀă tơrŭm cheăng Việt Nam - Đan Mạch rế hía rế trâu rơdâ, ai pơxúa; mâu kơvâ cheăng tơrŭm rế hía rế hên, tơtro ƀă mâu tơdroăng ki kal vâ mơnhông dêi péa tơnêi têa.

Péa ngế kăn xiâm pơkuâ môi tuăn tơbleăng tơdroăng tơrŭm cheăng pơla Việt Nam - Đan Mạch tâk troh Tơrŭm cheăng ton xŏn tâi tâng, po ăm tơdroăng ki nếo tung tơrŭm cheăng pơla péa pâ, pro tơdroăng kal kí ƀă ivá nếo mơhnhôk tơrŭm cheăng trâu rơdâ, ai pơxúa ƀă châ tơƀrê, xua vâ pro pơxúa ton xŏn dêi kuăn pơlê péa tơnêi têa.

‘Na tơrŭm cheăng hên troăng, péa ngế kăn tối ăm dêi rơpó ‘nâi mâu tơdroăng tung lâp plâi tơnêi ƀă tung kơpong; môi tuăn mơdêk tơrŭm cheăng, kum dêi rơpó a khu lâp kong têa ƀă mâu hneăng hôp hên troăng, mơdek troăng hơlâ hên troăng hlối nhoăm luât lâp plâi tơnêi; mơdêk tơ rŭm pơla  ASEAN - EU  mơnhông tơ ƀrê khât.