Tơtrŏng má môi, mâu kăn teăng mâ séa ngăn troăng hơlâ tŏng gum 100% kơxô̆ liăn rôe theh ƀaoh hiêm khăm pơlât ăm mơngế sap ing tŭm 60 hơnăm troh pá kơdâm 75 hơnăm tá hâi ai theh tung kong pơlê. Tiô tối hdrối, liăn ngân kô tŏng gum ăm lối 83.700 ngế hơnăm hiăng krâ, ƀă kơxô̆ liăn lối 114 rơtal liăn rêm hơnăm.

Hneăng hôp xuân séa ngăn tâi tâng kơxô̆ liăn mơ’no tơnêi têa iâ khế hneăng 2026 – 2030 ăm pái tơdroăng pơkâ ki xiâm tơnêi têa ‘na mơjiâng thôn pơlê nếo, kơdroh kơtiê krá tơniăn ƀă mơnhông cheăng kâ – rêh ối pơlê pơla kơpong kuăn pơlê hdrông kuăn ngo, kong ngo, tiô tối hdrối lối 4.500 rơtal liăn.

Pakĭng mê, mâu kăn teăng mâ kô séa ngăn troăng xing xoăng 245 rơtal liăn ăm 15 tơdroăng tơkêa bro khoa hok, kŏng ngê̆, pơhlêh nếo tơmiât pêi rơkê ƀă pơhlêh xúa kŏng ngê̆; inâi tơmeăm 21 tơdroăng tơkêa bro kal xo tơvêh tơnêi lơ pơhlêh xiâm kối xúa tơnêi kong.